HUL Shares: హిందుస్తాన్ యూనిలీవర్ లిమిటెడ్ (HUL Shares) షేర్లలో శుక్రవారం (జూలై 11, 2025) 5% వరకు అద్భుతమైన పెరుగుద‌ల కనిపించింది. ప్రియా నాయర్‌కు కొత్త బాధ్యతలు అప్పగించిన వెంటనే ఈ జంప్ వచ్చింది. దీంతో FMCG సెక్టార్‌లో దిగ్గజమైన ఈ కంపెనీ షేరు ధర BSEలో రూ. 2,529.85, NSEలో రూ. 2,529.90కి చేరుకుంది. కంపెనీ ప్రియా నాయర్‌ను తన మేనేజింగ్ డైరెక్టర్ (MD), చీఫ్ ఎగ్జిక్యూటివ్ ఆఫీసర్ (CEO)గా ఎంచుకుంది. ఈ నిర్ణయం మార్కెట్‌కు సానుకూలంగా ఉండి, షేర్లపై దాని ప్రభావం కనిపించింది.
రోహిత్ జావా స్థానంలో ప్రియా నాయర్
ప్రియా నాయర్ 2025 ఆగస్టు 1 నుండి రోహిత్ జావా స్థానంలో MD, CEO పదవిని చేపడతారు. రోహిత్ జావా 2023 నుండి రెండు సంవత్సరాల పాటు ఈ పదవులలో కొనసాగారు. బ్లూమ్‌బర్గ్ ప్రకారం.. కంపెనీ షేర్లను పరిశీలిస్తున్న 44 విశ్లేషకులలో 28 మంది షేర్లపై ‘కొనుగోలు’ రేటింగ్‌ను కొనసాగించారు. 12 మంది ‘హోల్డ్’ చేయమని సలహా ఇచ్చారు. నలుగురు ‘అమ్మకం’ సలహా ఇచ్చారు.
Also Read: Rishabh Pant: టీమిండియాకు గుడ్ న్యూస్‌.. బ్యాటింగ్‌కు వ‌చ్చిన పంత్‌!
ఈ నిర్ణయం ఎందుకు ప్రత్యేకం?
కంపెనీ 92 సంవత్సరాల చరిత్రలో మొదటిసారిగా ఒక మహిళ మేనేజింగ్ డైరెక్టర్, CEOగా నియమితులవుతోంది. ప్రస్తుతం ప్రియా నాయర్ HUL పేరెంట్ కంపెనీ యూనిలీవర్‌లో బ్యూటీ అండ్ వెల్‌బీయింగ్ ప్రెసిడెంట్‌గా ఉన్నారు. HULలో ఆమె ప్రస్థానం 1995లో ప్రారంభమైంది. అప్పటి నుండి ఆమె కంపెనీ హోమ్ కేర్, బ్యూటీ అండ్ వెల్‌బీయింగ్, పర్సనల్ కేర్ వంటి వివిధ సెగ్మెంట్‌లలో నాయకత్వ పాత్రలు నిర్వహించారు.
- 2014-2020: HULలో హోమ్ కేర్ సెగ్మెంట్‌లో ఎగ్జిక్యూటివ్ డైరెక్టర్‌గా నియమితులయ్యారు.
- 2020-2022: HULలో బ్యూటీ అండ్ పర్సనల్ కేర్ ఎగ్జిక్యూటివ్ డైరెక్టర్‌గా పనిచేశారు.
ప్రియా బ్యూటీ అండ్ వెల్‌బీయింగ్ ప్రెసిడెంట్‌గా డవ్, సన్‌సిల్క్, క్లియర్ వంటి బ్రాండ్‌లతో 13.2 బిలియన్ యూరోల వ్యాపారాన్ని నిర్వహించారు. HUL MD, CEOగా ప్రియా నాయర్ నియామకం 5 సంవత్సరాల కాలానికి అంటే జూలై 31, 2030 వరకు ఉంటుంది.