Global Whisky Competitions: భారతదేశంలో విదేశీ మద్యం ఎక్కువగా ప్రాచుర్యం పొందింది. స్థానిక బ్రాండ్లు నిర్లక్ష్యానికి గురయ్యాయి. అయితే ఇప్పుడు పూర్తిగా మారిపోయింది. భారతదేశంలో ఉత్పత్తి చేయబడిన మద్యం, దేశీయ వినియోగం (Global Whisky Competitions) పెరగడమే కాకుండా విదేశాలలో కూడా పెద్ద సంఖ్యలో అభిమానులను కలిగి ఉంది. అనేక భారతీయ బ్రాండ్లు విదేశాల్లో హల్ చల్ చేస్తున్నాయి. ఇదిలా ఉంటే భారతీయ విస్కీ బ్రాండ్లకు సంబంధించి ఓ పెద్ద వార్త వచ్చింది. వరల్డ్ విస్కీ అవార్డ్స్ 2025లో భార‌త్‌కు చెందిన అనేక కంపెనీలు ప‌లు అవార్డులను గెలుచుకున్నాయి.
వరల్డ్ విస్కీ అవార్డ్స్ 2025 రెస్ట్ ఆఫ్ ది వరల్డ్ (RoW) విజేతలు ఇటీవల ప్రకటించారు. అనేక భారతీయ బ్రాండ్లు వివిధ విభాగాలలో అవార్డులను గెలుచుకున్నాయి. RoW విజేతలు ఇప్పుడు ప్రపంచ పోటీకి చేరుకున్నాయి. ఇక్క‌డ ఫ్రాన్స్, స్కాట్లాండ్, USA, ఐర్లాండ్‌ల విజేతలతో మ‌న బ్రాండ్లు త‌ల‌ప‌డ్డాయి. దీని తుది ఫలితం మార్చిలో జరగనున్న గ్లోబల్ డిన్నర్‌లో ప్రకటించనున్నారు.
Also Read: Yashtika Acharya: 270 కేజీల రాడ్‌ మెడపై పడి.. యశ్తికా ఆచార్య మృతి.. ఎవరామె ?
భారత్ అమృత్ పీటెడ్ సింగిల్ మాల్ట్ కాస్క్ స్ట్రెంత్ (62.8%) సింగిల్ మాల్ట్- ఏ ఏజ్ స్టేట్‌మెంట్ విభాగంలో బంగారు పతకాన్ని గెలుచుకుంది. ఇదే విభాగంలో అమృత్ బగీరా (46%), అమృత్ ఫ్యూజన్ సింగిల్ మాల్ట్ (50%), అమృత్ సింగిల్ మాల్ట్ (46%), అమృత్ సింగిల్ మాల్ట్ కాస్క్ స్ట్రెంత్ (61.8%) రజత పతకాన్ని, అమృత్ రై మాల్ట్ (50%) రై కేటగిరీ – నో ఏజ్ స్టేట్‌మెంట్ విభాగంలో కాంస్య పతకాన్ని పొందాయి.
విస్కీ బ్రాండ్ ఇంద్రి గురించి మాట్లాడుకుంటే.. ఇంద్రి రీఫిల్ ఒలోరోసో షెర్రీ కాస్క్ సింగిల్ కాస్క్ 03 (58.5%) సింగిల్ కాస్క్ సింగిల్ మాల్ట్ – ఏ ఏజ్ స్టేట్‌మెంట్ విభాగంలో స్వర్ణాన్ని గెలుచుకుంది. అదేవిధంగా ఇంద్రి x సాటర్న్ వైన్ కాస్క్ సింగిల్ కాస్క్ 47050 (58.5%) రజత పతకాన్ని అందుకుంది. ఇంద్రి గేమ్ ఆఫ్ థ్రోన్స్: హౌస్ ఆఫ్ ది డ్రాగన్ ఎడిషన్ రజతం, కాంస్య పతకాలను గెలుచుకున్నాయి. ఇంద్రి 2024 దీపావళి కలెక్టర్స్ ఎడిషన్ (58.5%) స్మాల్ బ్యాచ్ సింగిల్ మాల్ట్ – ఏ ఏజ్ స్టేట్‌మెంట్ విభాగంలో విజేతగా ప్రకటించబడింది. ఇంద్రి ఫౌండర్స్ రిజర్వ్ వైన్ కాస్క్ 11 ఏళ్లు (58.5%) సింగిల్ మాల్ట్- 12 ఏళ్ల అండర్ కేటగిరీలో విజేతగా ప్రకటించబడింది.