Budget 2026: దేశంలోని ప్రతి వ్యక్తికి కేంద్ర బడ్జెట్ అనేది చాలా ప్రత్యేకమైనది. ఎందుకంటే ప్రతి రంగం, ప్రతి వర్గ ప్రజలకు దీనితో ఏదో ఒక ఆశ ముడిపడి ఉంటుంది. ఒక చిన్న రైతు నుండి పెద్ద పారిశ్రామికవేత్త వరకు అందరూ బడ్జెట్ నుండి ఊరటను ఆశిస్తున్నారు. సామాన్యులు ఈ బడ్జెట్ ద్వారా ద్రవ్యోల్బణం (ధరల పెరుగుదల) తగ్గుతుందని ఆశిస్తున్నారు. ముఖ్యంగా కాలుష్యం తీవ్రమైన సమస్యగా మారిన తరుణంలో, క్యాన్సర్ రోగుల సంఖ్య పెరుగుతున్న నేపథ్యంల, దేశ ఆరోగ్య రంగం కూడా బడ్జెట్ నుండి కొన్ని అంచనాలను పెట్టుకుంది.
అయితే ఈసారి ఫోకస్ మరికొన్ని అంశాలపై కూడా ఉంది. ఈ ఏడాది డిజిటల్ హెల్త్, టెలి-కన్సల్టేషన్ పై కూడా దృష్టి సారించనున్నారు. ముఖ్యంగా గ్రామాలు, మారుమూల ప్రాంతాలకు వైద్య సదుపాయాలను అందించడంలో ఇవి కీలక పాత్ర పోషిస్తాయి. దీనివల్ల చికిత్స ఖర్చు తగ్గడమే కాకుండా వేగంగా సహాయం అందించడానికి కూడా వీలవుతుంది. వైద్య రంగం కోసం బడ్జెట్ పెట్టెలో ఏమేమి ఉండవచ్చో ఇప్పుడు తెలుసుకుందాం!
పరిశోధన- డిజిటల్ ఇన్నోవేషన్ కోసం మరిన్ని నిధులు గ్రామీణ ప్రాంతాల్లో టెలి-మెడిసిన్, ఈ-సంజీవని వంటి సేవలను బలోపేతం చేయడానికి ‘ఆయుష్మాన్ భారత్ డిజిటల్ మిషన్’ కోసం మరిన్ని నిధులు కేటాయిస్తారని భావిస్తున్నారు. అదే సమయంలో క్యాన్సర్ వంటి ప్రాణాంతక వ్యాధులను ముందుగానే గుర్తిస్తే చికిత్స సాధ్యమవుతుందనే వాస్తవాన్ని గ్రహించి ఈ ముందస్తు గుర్తింపు కోసం AI-ఆధారిత సాంకేతికతలపై పెట్టుబడులు పెట్టాలని హెల్త్కేర్ రంగం కోరుతోంది.
Also Read: ప్రసవం తర్వాత మహిళల ఆరోగ్యం.. నిర్లక్ష్యం చేయకూడని విషయాలీవే!
మెడికల్ డివైజెస్ పై రాయితీ, హెల్త్ చెకప్లపై మినహాయింపు భారతదేశం తన 80% వైద్య అవసరాల కోసం దిగుమతులపైనే ఆధారపడుతోంది. ప్రాణ రక్షణ యంత్రాలపై (వెన్విలేటర్లు, డయాలసిస్ వంటివి) కస్టమ్స్ డ్యూటీ, జీఎస్టీని 12% నుండి 5%కి తగ్గించాలని పరిశ్రమ వర్గాలు డిమాండ్ చేస్తున్నాయి. మరోవైపు సెక్షన్ 80D కింద ప్రివెంటివ్ హెల్త్ చెకప్ పరిమితిని రూ. 5000 నుండి రూ. 10000కి పెంచుతారని ఆశిస్తున్నారు.
ఇన్ఫ్రాస్ట్రక్చర్ ఫండ్ ఆరోగ్య సేవలను మెరుగుపరచడానికి ప్రభుత్వం రూ. 50,000 కోట్లతో ఒక ప్రత్యేక ‘హెల్త్కేర్ ఇన్ఫ్రాస్ట్రక్చర్ ఫండ్’ను ఏర్పాటు చేయాలని ఈ రంగం కోరుకుంటోంది. మరోవైపు ఆయుష్మాన్ భారత్ (PM-JAY) కోసం ఈ ఏడాది కేటాయింపులు రూ. 10,000 కోట్లు దాటవచ్చునని అంచనా. ఈసారి బడ్జెట్ ద్వారా ఈ పథకం పరిధిని పెంచి మధ్యతరగతి ప్రజలను కూడా చేర్చవచ్చని భావిస్తున్నారు. ఎందుకంటే ప్రస్తుతం వీరికి ఎటువంటి ఆరోగ్య బీమా ప్రయోజనాలు అందడం లేదు.