Bank Holiday: రేపు అంటే జనవరి 16, 2026 (శుక్రవారం) నాడు కూడా దేశంలోని పలు రాష్ట్రాల్లో బ్యాంకులకు సెలవు ఉండనుంది. ఈరోజు (జనవరి 15) సెలవు తర్వాత దక్షిణ భారత దేశంలోని ప్రధాన రాష్ట్రాల్లో పండుగలు కొనసాగుతున్నందున బ్యాంకులు పని చేయవు. జనవరి 16న ఏయే నగరాల్లో బ్యాంకులు మూసి ఉంటాయో ఇప్పుడు తెలుసుకుందాం.
జనవరి 16న బ్యాంకులు ఎక్కడెక్కడ పని చేయవు?
తమిళనాడు: ఇక్కడ తిరువళ్లువర్ దినోత్సవం సందర్భంగా బ్యాంకులకు ప్రభుత్వ సెలవు ప్రకటించారు. చెన్నైతో సహా రాష్ట్రవ్యాప్తంగా బ్యాంకింగ్ సేవలు అందుబాటులో ఉండవు.
ఆంధ్రప్రదేశ్: ఇక్కడ కనుమ పండుగ జరుపుకుంటారు. సంక్రాంతి సంబరాల్లో భాగంగా కనుమ రోజున బ్యాంకులకు సెలవు ఉంటుంది.
పుదుచ్చేరి: ఇక్కడ కూడా స్థానిక పండుగ నేపథ్యంలో సెలవు ఉండే అవకాశం ఉంది.
Also Read: రాజ్కోట్లో టీమ్ ఇండియాకు షాక్.. గిల్ సేనలో భారీ మార్పులు?
ఈ సెలవులకు కారణం ఏమిటి?
తిరువళ్లువర్ దినోత్సవం: ప్రసిద్ధ తమిళ కవి, దార్శనికుడైన తిరువళ్లువర్ను గౌరవించుకోవడానికి తమిళనాడులో పొంగల్ ఉత్సవాల సమయంలో ఈ రోజును జరుపుకుంటారు.
కనుమ పండుగ: సంక్రాంతి ఉత్సవాల్లో మూడవ రోజును ‘కనుమ’గా పిలుస్తారు. వ్యవసాయంలో మనకు తోడ్పడే పశువుల పట్ల కృతజ్ఞత తెలియజేస్తూ ఆంధ్రప్రదేశ్లో ఈ పండుగను ఘనంగా నిర్వహిస్తారు.
ఈ రాష్ట్రాల్లో బ్యాంకులు యథావిధిగా పనిచేస్తాయి
మహారాష్ట్ర (నిన్న ఎన్నికల కారణంగా సెలవు ఉంది), ఢిల్లీ, ఉత్తరప్రదేశ్, బీహార్, మధ్యప్రదేశ్, రాజస్థాన్, పంజాబ్ వంటి రాష్ట్రాల్లో రేపు (జనవరి 16) బ్యాంకులు తెరిచి ఉంటాయి. సాధారణ కార్యకలాపాలు జరుగుతాయి.
జనవరి 2026 నెలలో మొత్తం 16 రోజుల వరకు వివిధ ప్రాంతాల్లో బ్యాంకులు సెలవు పొందే అవకాశం ఉంది. మీరు మీ ముఖ్యమైన బ్యాంకింగ్ లావాదేవీలను దీనికి అనుగుణంగా ప్లాన్ చేసుకోవాలని సూచించడమైనది.