Elon Musk Net Worth Rise: ప్రపంచంలోనే అత్యంత విలువైన ఆటో కంపెనీ టెస్లా సీఈవో ఎలాన్ మస్క్ నికర విలువ (Elon Musk Net Worth Rise) సోమవారం నాడు 18.5 బిలియన్ డాలర్లు పెరిగింది. దీంతో అతని నికర విలువ 200 బిలియన్ డాలర్లు దాటింది. బ్లూమ్బెర్గ్ బిలియనీర్స్ ఇండెక్స్ ప్రకారం.. మస్క్ నికర విలువ $202 బిలియన్లకు చేరుకుంది. గత వారంలో దాదాపు 30 బిలియన్ డాలర్లు పెరిగింది. ఈ ఏడాది అతని నికర విలువ 27.5 బిలియన్ డాలర్లు తగ్గింది. ప్రపంచంలోని అత్యంత సంపన్నుల జాబితాలో మస్క్ మూడో స్థానంలో ఉన్నారు. టెస్లా షేర్లు సోమవారం 15.31% పెరిగాయి. గత వారంలో 40 శాతం పెరిగింది. దీంతో కంపెనీ 618.86 బిలియన్ డాలర్ల మార్కెట్ క్యాప్తో ప్రపంచంలోని విలువైన కంపెనీల జాబితాలో 12వ స్థానానికి చేరుకుంది.
బ్లూమ్బెర్గ్ బిలియనీర్స్ ఇండెక్స్ ప్రకారం.. ఫ్రెంచ్ వ్యాపారవేత్త బెర్నార్డ్ ఆర్నాల్ట్ 217 బిలియన్ డాలర్ల నికర సంపదతో ప్రపంచంలోని అత్యంత ధనవంతుల జాబితాలో మొదటి స్థానంలో నిలిచారు. సోమవారం అతని నికర విలువ $3.32 బిలియన్లు క్షీణించింది. అమెజాన్ వ్యవస్థాపకుడు జెఫ్ బెజోస్ 203 బిలియన్ డాలర్ల సంపదతో రెండో స్థానంలో ఉన్నారు. అంటే బెజోస్, మస్క్ల నికర విలువలో ఇప్పుడు బిలియన్ డాలర్ల గ్యాప్ మాత్రమే మిగిలి ఉంది.
Also Read: 10th Class Results: తెలంగాణ పదో తరగతి ఫలితాలు విడుదల.. రిజల్ట్స్ ఎలా చెక్ చేసుకోవాలంటే..?
నాల్గవ స్థానంలో మెటా ప్లాట్ఫారమ్ల CEO మార్క్ జుకర్బర్గ్ ఉన్నారు. ఆయన నికర విలువ $154 బిలియన్లు. బిల్ గేట్స్ ($150 బిలియన్) ఐదోవ స్థానంలో, లారీ పేజ్ ($148 బిలియన్) ఆరవ స్థానంలో, సెర్గీ బ్రిన్ ($140 బిలియన్) ఏడవ స్థానంలో, స్టీవ్ బాల్మెర్ ($139 బిలియన్) ఎనిమిదో స్థానంలో, వారెన్ బఫెట్ ($133 బిలియన్) తొమ్మిదో స్థానంలో, లారీ ఎలిసన్ ($132 బిలియన్) పదవ స్థానంలో ఉన్నారు.
మస్క్ సంపద.. 5 రోజుల్లో రూ.3 లక్షల కోట్లు
టెస్లా, స్పేస్ఎక్స్ అధినేత ఎలాన్ మస్క్ సంపద ఇటీవల గణనీయంగా పెరిగింది. గత ఐదు ట్రేడింగ్ సెషన్లలో ఆయన 37.3 బిలియన్ (దాదాపు రూ.3.11 లక్షల కోట్లు) డాలర్లు ఎగశాయి. మస్క్ ప్రస్తుతం 202 బిలియన్ డాలర్లతో అత్యధిక సంపద కలిగిన మూడో వ్యక్తిగా కొనసాగుతున్నారు.
We’re now on WhatsApp : Click to Join
అంబానీ, అదానీల స్థానం ఇదే
ఈ జాబితాలో భారతదేశం, ఆసియాలో అత్యంత సంపన్నుడైన ముఖేష్ అంబానీ 11వ స్థానంలో కొనసాగుతున్నారు. రిలయన్స్ ఇండస్ట్రీస్ చైర్మన్ నికర విలువ సోమవారం నాడు 649 మిలియన్ డాలర్లు పెరిగింది. ఈ ఏడాది అతని నికర విలువ 16.5 బిలియన్ డాలర్లు పెరిగింది. అయితే అదానీ గ్రూప్ చైర్మన్ గౌతమ్ అదానీ మరోసారి 100 బిలియన్ డాలర్ల క్లబ్ నుంచి దూరమయ్యారు. సోమవారం అతని నికర విలువ $ 152 మిలియన్లు పడిపోయింది. ఇప్పుడు ఆయన సంపద $ 99.1 బిలియన్లకు చేరుకుంది. సంపన్నుల జాబితాలో 14వ స్థానంలో ఉన్నాడు. ఈ ఏడాది అతని నికర విలువ 14.8 బిలియన్ డాలర్లు పెరిగింది.