Crude Oil Drop: అంతర్జాతీయ మార్కెట్‌లో వాణిజ్య ఒత్తిడి మధ్య క్రూడ్ ఆయిల్ ధరలు (Crude Oil Drop) గణనీయంగా తగ్గుముఖం పట్టాయి. ఏప్రిల్ నెలలో భారత క్రూడ్ బాస్కెట్ సగటు ధర సుమారు నాలుగు సంవత్సరాలు.. అంటే 47 నెలల కనిష్ఠ స్థాయికి చేరుకుంది. ఏప్రిల్‌లో క్రూడ్ ఆయిల్ ధర బ్యారెల్‌కు 68.34 రూపాయలకు చేరగా, మార్చి నెలలో ఇది 72.47 రూపాయలుగా ఉంది. అంటే సుమారు 5.6 శాతం తగ్గింది. పెట్రోలియం అండ్ అనాలిసిస్ సెల్ (PPAC) డేటా ప్రకారం మే 2021 తర్వాత ఇది అతిపెద్ద తగ్గుదల అని గ‌ణంకాలు చెబుతున్నాయి.
PPAC అధికారుల అభిప్రాయం ప్రకారం.. స్వల్పకాలంలో బాస్కెట్ ధరలు తగ్గుముఖం కొనసాగుతాయి. అమెరికా టారిఫ్ ప్రకటనల తర్వాత క్రూడ్ ఆయిల్ ధరలు ఒక్కసారిగా పడిపోయాయి. ఆదివారం బ్రెంట్ క్రూడ్ ఫ్యూచర్స్ గత వారంతో పోలిస్తే పెరిగి, బ్యారెల్‌కు 67.96 డాలర్లకు చేరాయి. పెట్రోలియంపై ఏర్పాటైన పార్లమెంటరీ స్థాయీ సమితి గత ఏడాది వివిధ గ్రేడ్‌ల క్రూడ్ ఆయిల్ దిగుమతి అవసరాలపై విస్తృత శ్రేణిలో దృష్టి సారించింది. దీనివల్ల భారత క్రూడ్ బాస్కెట్ ఖర్చు తగ్గుతుంది. భారత బాస్కెట్ ధర ఎక్కువగా ఉండటానికి కారణం ఆసియన్ ప్రీమియం లెవీ విధించడం. దీనివల్ల పశ్చిమ ఆసియా క్రూడ్ ఆయిల్ ధరలు పెరుగుతాయి.
Also Read: Toilet : ఫోన్‌ చూస్తూ బాత్రూమ్‌లో ఎక్కువసేపు గడుపుతున్నారా? అయితే ప్రమాదాలు కొని తెచ్చుకున్నట్లే !
ప్రస్తుత డేటా ప్రకారం.. 2025 ఆర్థిక సంవత్సరంలో దేశ క్రూడ్ ఆయిల్ దిగుమతి పరిమాణం 4.2 శాతం పెరిగి 24.24 కోటీ టన్నులకు చేరింది. ఇది 2024 ఆర్థిక సంవత్సరంలో 23.23 కోటీ టన్నుల కంటే ఎక్కువ. గమనార్హమైన విషయం ఏమిటంటే.. ఉక్రెయిన్ యుద్ధం ప్రారంభమైన తర్వాత భారత్ రష్యా నుండి పెద్ద మొత్తంలో తైలం దిగుమతి చేసింది. ఇప్పటికీ చేస్తోంది. మే 2023లో రష్యా భారతదేశానికి అతిపెద్ద సరఫరాదారుగా మారింది. రోజుకు సుమారు 19.6 లక్షల బ్యారెళ్లను దిగుమతి చేసింది. భారత క్రూడ్ బాస్కెట్‌ను భారతదేశంలో క్రూడ్ ఆయిల్ దిగుమతి ధరల సూచికగా ఉపయోగిస్తారు. భారత ప్రభుత్వం దేశీయ ధరలపై దీనిని సూచికగా ఉపయోగిస్తారు. భారత ప్రభుత్వం దేశీయ ధరలపై ఏదైనా నిర్ణయం తీసుకునేటప్పుడు ఈ సూచికపై తప్పకుండా దృష్టి పెడుతుంది.