- రూ. లక్ష డిపాజిట్పై రూ. 20వేలకు పైగా వడ్డీ
- ఫిక్స్డ్ డిపాజిట్లపై ఆకర్షణీయమైన వడ్డీ రేట్లు అందిస్తున్న కెనరా బ్యాంక్
Saving Schemes: భారత రిజర్వ్ బ్యాంక్ ఈ ఏడాది రెపో రేటును 1.25 శాతం తగ్గించడంతో బ్యాంకులు తమ వడ్డీ రేట్లను సవరించాయి. ఈ క్రమంలో ప్రముఖ ప్రభుత్వ రంగ సంస్థ కెనరా బ్యాంక్ తమ ఫిక్స్డ్ డిపాజిట్ (FD) పథకాలపై ఆకర్షణీయమైన వడ్డీ రేట్లను అందిస్తోంది. రిజర్వ్ బ్యాంక్ నిర్ణయాల నేపథ్యంలో రుణాలపై వడ్డీ రేట్లు తగ్గడంతో పాటు, డిపాజిట్లపై కూడా ప్రభావం పడింది. ప్రస్తుతం కెనరా బ్యాంక్ సాధారణ పౌరులకు 3.00 శాతం నుండి 6.75 శాతం వరకు వడ్డీని ఆఫర్ చేస్తోంది. ఈ బ్యాంక్లో 7 రోజుల నుండి 10 ఏళ్ల కాలపరిమితితో ఎఫ్డీ ఖాతాను ప్రారంభించే అవకాశం ఉంది.
Also Read: తైవాన్లో భారీ భూకంపం.. 7.0 తీవ్రతతో వణికిన రాజధాని!
555 రోజుల పథకంపై గరిష్ట వడ్డీ
కెనరా బ్యాంక్ తన 555 రోజుల ప్రత్యేక ఎఫ్డీ పథకంపై అత్యధిక వడ్డీని అందిస్తోంది.
సాధారణ పౌరులకు: 6.15 శాతం.
సీనియర్ సిటిజన్లకు: 6.65 శాతం.
అతి సీనియర్ సిటిజన్లకు: 6.75 శాతం.
అలాగే 3 ఏళ్ల కాలపరిమితి గల ఎఫ్డీలపై సాధారణ పౌరులకు 5.90 శాతం, సీనియర్ సిటిజన్లకు 6.40 శాతం వడ్డీ లభిస్తుంది. మార్కెట్ ఒడిదుడుకులతో సంబంధం లేకుండా నిర్ణీత గడువు తర్వాత అసలుతో పాటు స్థిరమైన వడ్డీ రావడం ఈ పథకం ప్రత్యేకత.
రూ. 1,00,000 డిపాజిట్పై ఎంత రాబడి వస్తుంది?
ఒకవేళ మీరు కెనరా బ్యాంక్లో లక్ష రూపాయలను 3 ఏళ్ల కాలపరిమితికి డిపాజిట్ చేస్తే వచ్చే లాభాలు ఇలా ఉన్నాయి.
సాధారణ పౌరులు: 3 ఏళ్ల తర్వాత మెచ్యూరిటీ మొత్తంగా రూ. 1,19,209 పొందుతారు. ఇందులో రూ. 19,209 కేవలం వడ్డీ రూపంలోనే లభిస్తుంది.
సీనియర్ సిటిజన్లు: వీరికి మెచ్యూరిటీ సమయానికి రూ. 1,20,983 అందుతాయి. అంటే లక్ష రూపాయల పెట్టుబడిపై వీరికి రూ. 20,983 స్థిరమైన వడ్డీ లభిస్తుంది. కెనరా బ్యాంక్ ప్రభుత్వ నియంత్రణలో పనిచేసే ప్రభుత్వ రంగ బ్యాంక్ కావడం వల్ల, ఇందులో డిపాజిట్ చేసే సొమ్ముకు పూర్తి భద్రత ఉంటుందని నిపుణులు పేర్కొంటున్నారు. సురక్షితమైన పెట్టుబడితో పాటు స్థిరమైన ఆదాయం కోరుకునే వారికి ఈ పథకం ఉత్తమ ఎంపికగా నిలుస్తోంది.