PMAY-Urban 2.0: ఇల్లు లేనివారికి గుడ్ న్యూస్ చెప్పిన ప్ర‌ధాని మోదీ..!

PMAY-Urban 2.0: ప్రధాన మంత్రి ఆవాస్ యోజన-అర్బన్ 2.0 (PMAY-Urban 2.0) పథకాన్ని కేంద్ర ప్రభుత్వం ఆమోదించింది. ఈ పథకం కింద పట్టణ పేద, మధ్యతరగతి కుటుంబాల కోసం కేంద్ర ప్రభుత్వం కోటి గృహాలను నిర్మించనుంది. శుక్రవారం ప్రధాని నరేంద్ర మోదీ అధ్యక్షతన జరిగిన మంత్రివర్గ సమావేశంలో ఈ పథకానికి ఆమోదం తెలిపారు. ఈ పథకంపై ప్రభుత్వం రూ.2.30 లక్షల కోట్ల సబ్సిడీని ఇస్తుంది. ఈ పథకం కింద పట్టణ ప్రాంతాల్లో ఇళ్లు నిర్మించుకునేందుకు ప్రభుత్వం ఆర్థిక సాయం చేస్తుంది.

మొదటి దశలో 1.18 కోట్ల ఇళ్లు మంజూరయ్యాయి

ప్రధాన మంత్రి ఆవాస్ యోజన అర్బన్ మొదటి దశలో 1.18 కోట్ల ఇళ్లను నిర్మించేందుకు ఆమోదం లభించింది. వీటిలో 85.5 లక్షల ఇళ్లను నిర్మించారు. ఇది కాకుండా ప్రభుత్వం ఇప్పుడు క్రెడిట్ రిస్క్ గ్యారెంటీ ఫండ్ ట్రస్ట్‌లో రూ. 3000 కోట్లు ఇస్తుంది. అంతకుముందు ఈ సంఖ్య 1000 కోట్లు. దీని కింద బ్యాంకులు, హౌసింగ్ ఫైనాన్స్ కంపెనీలకు సహాయం చేస్తారు. తద్వారా వారు ఆర్థికంగా వెనుకబడిన వారికి ఇళ్ళ నిర్మాణానికి ఆర్థిక సహాయం చేస్తారు. ఈ ఫండ్ ఇప్పుడు నేషనల్ హౌసింగ్ బ్యాంక్‌కు బదులుగా నేషనల్ క్రెడిట్ గ్యారెంటీ కంపెనీ ద్వారా నిర్వహించనున్నారు.

Also Read: Vande Bharat: విశాఖ-సికింద్రాబాద్ వందేభారత్‌కు మంగళవారం సెలవు

See more

A home brings dignity and an enhanced ability to fulfil one’s dreams.

With a record investment of Rs. 10 lakh crore, the Pradhan Mantri Awas Yojana-Urban 2.0 Scheme will benefit countless people and contribute to better cities. pic.twitter.com/ErTX4d1OZd

— Narendra Modi (@narendramodi) August 9, 2024

ఈ ప్రయోజనాలు అందుతాయి

ఇంతవరకు శాశ్వత ఇల్లు లేని వారు ఈ పథకం పరిధిలోకి వస్తారు. వార్షికాదాయం రూ.3 లక్షల వరకు ఉన్నవారిని ఈడబ్ల్యూఎస్ కేటగిరీలో.. రూ.3 నుంచి 6 లక్షల వార్షికాదాయం ఉన్నవారిని ఎల్‌ఐజీ కేటగిరీలో, రూ.6 నుంచి 9 లక్షల వార్షిక ఆదాయం ఉన్నవారిని ఎంఐజీ కేటగిరీలో లెక్కిస్తారు. పథకం కింద మీకు భూమి లేకుంటే రాష్ట్ర ప్రభుత్వం లేదా కేంద్రపాలిత ప్రాంతం ద్వారా మీకు ప్లాట్లు కూడా అందించబడతాయి. అంతే కాకుండా ప్రైవేట్ ప్రాజెక్టుల్లో ఇళ్లు కొనుగోలు చేసే వారికి హౌసింగ్ వోచర్లు అందజేయనున్నారు. ఈసారి అద్దె గృహాలను కూడా పథకంలో చేర్చారు. ఇందులో మీరు ఇల్లు కొనడం లేదా నిర్మించడం ఇష్టం లేకుంటే అద్దెకు తీసుకునే వెసులుబాటు కూడా ఉంటుంది.

We’re now on WhatsApp. Click to Join.

గృహ రుణంపై రూ.1.80 లక్షల సబ్సిడీ లభిస్తుంది

ఈ పథకం కింద, EWS, LIG ​, MIG కేటగిరీలకు చెందిన వ్యక్తులు రూ. 35 లక్షల వరకు విలువైన గృహాలకు రూ. 25 లక్షల వరకు గృహ రుణం తీసుకోవడంపై వడ్డీ రాయితీ ఇవ్వబడుతుంది. ఈ పథకంలో 5 సంవత్సరాల పాటు విడతల వారీగా రూ.1.80 లక్షలు సబ్సిడీ ఇస్తారు.