Budget Expectations 2026: 2026 బడ్జెట్ ద్వారా యువతకు భారీగా ఉద్యోగ అవకాశాలు లభిస్తాయని అంచనా వేస్తున్నారు. ప్రభుత్వం ప్రధానంగా ‘ఎంప్లాయ్మెంట్ లింక్డ్ ఇన్సెంటివ్’ పథకంపై దృష్టి సారిస్తోంది. దీని కింద కొత్తగా నియామకాలు చేపట్టే కంపెనీలకు ప్రభుత్వం నేరుగా ఆర్థిక సహాయం అందిస్తుంది. అలాగే పీఎం ఇంటర్న్షిప్ స్కీమ్ ద్వారా 1 కోటి మంది యువతకు అగ్రశ్రేణి కంపెనీలలో శిక్షణతో పాటు నెలకు రూ. 6000 నుండి 7000 వరకు స్టైపెండ్ లభించే అవకాశం ఉంది.
PM ఇంటర్న్షిప్ స్కీమ్ విస్తరణ
ప్రభుత్వం పీఎం ఇంటర్న్షిప్ పథకం కింద ఇచ్చే స్టైపెండ్ను పెంచాలని యోచిస్తోంది. ప్రస్తుతం నెలకు రూ. 5000 ఉండగా బడ్జెట్లో దీనిని రూ. 6000 నుండి 7000 వరకు పెంచే అవకాశం ఉంది. రాబోయే 5 ఏళ్లలో 1 కోటి మంది యువతకు టాప్ 500 కంపెనీల్లో ఇంటర్న్షిప్ కల్పించడమే లక్ష్యం.
Also Read: టీ-20 వరల్డ్ కప్ 2026.. సెమీఫైనల్ చేరే ఆ నాలుగు జట్లు ఇవే!
ఎంప్లాయ్మెంట్ లింక్డ్ ఇన్సెంటివ్ (ELI) పథకం
ఉత్పత్తి ఆధారిత ప్రోత్సాహకాల (PLI) విజయం తర్వాత ఇప్పుడు ప్రభుత్వం ELI పథకంపై భారీ ఆశలు పెట్టుకుంది. ఎక్కువ మంది కొత్త సిబ్బందిని చేర్చుకునే కంపెనీలకు నగదు ప్రోత్సాహకాలు లేదా పన్ను మినహాయింపులు ఇస్తారు. దీనివల్ల మొదటిసారి ఉద్యోగంలో చేరే యువతకు ఒక నెల జీతం (గరిష్టంగా రూ. 15,000 వరకు) నేరుగా వారి ఖాతాలో జమ చేసే నిబంధన కొనసాగవచ్చు.
శ్రమ ఆధారిత రంగాలకు ఊతం
ఎక్కువ మంది మానవ వనరులు అవసరమయ్యే టెక్స్టైల్స్ (దుస్తుల పరిశ్రమ), తోలు (Leather), పాదరక్షలు, ఫుడ్ ప్రాసెసింగ్ రంగాలపై ప్రభుత్వం ఎక్కువ నిధులు ఖర్చు చేయనుంది. ఈ రంగాల్లోని చిన్న తరహా పరిశ్రమలకు (MSMEs) తక్కువ వడ్డీకే రుణాలు, సబ్సిడీలు అందించి, నియామకాలను ప్రోత్సహిస్తుంది.
AI- ఫ్యూచర్ స్కిల్స్ ఆర్టిఫిషియల్ ఇంటెలిజెన్స్ (AI), రోబోటిక్స్, గ్రీన్ ఎనర్జీ వంటి రంగాలలో శిక్షణ కోసం బడ్జెట్లో భారీ నిధులు కేటాయించే అవకాశం ఉంది. యువత కేవలం కార్మికులుగా మాత్రమే కాకుండా, హై-టెక్ ఉద్యోగాలకు సిద్ధంగా ఉండాలని ప్రభుత్వం భావిస్తోంది.
గ్రామీణ ఉపాధి (VB-GRAM G)
గ్రామీణ ప్రాంతాల్లో ఉపాధిని పెంచడానికి ‘మహాత్మా గాంధీ ఉపాధి హామీ పథకాన్ని’ వికసిత్ భారత్ గ్యారెంటీ (VB-GRAM G) గా మార్చి, పని దినాలను 125 రోజులకు పెంచే అవకాశం ఉంది. దీనికోసం బడ్జెట్లో 10-15% నిధుల పెంపు ఉండవచ్చు.