Budget 2026: ఫిబ్రవరి 1, 2026న ఆర్థిక మంత్రి నిర్మలా సీతారామన్ పూర్తిస్థాయి బడ్జెట్ను ప్రవేశపెట్టనున్న నేపథ్యంలో బడ్జెట్ 2026పై అంచనాలు భారీగా పెరిగాయి. గత బడ్జెట్ (2025)లో తీసుకువచ్చిన విప్లవాత్మక మార్పుల తర్వాత ఈసారి మధ్యతరగతి ప్రజలు, పన్ను చెల్లింపుదారుల కోసం మరిన్ని కీలక ప్రకటనలు వెలువడే అవకాశం ఉంది.
స్టాండర్డ్ డిడక్షన్ పెంపు
కొత్త పన్ను విధానం కింద ప్రస్తుతం ఉన్న రూ. 75,000 స్టాండర్డ్ డిడక్షన్ను పెరుగుతున్న ద్రవ్యోల్బణాన్ని దృష్టిలో ఉంచుకుని రూ. 1,00,000 కు పెంచే అవకాశం ఉందని నిపుణులు అంచనా వేస్తున్నారు. దీనివల్ల ఉద్యోగుల చేతికి వచ్చే జీతం పెరుగుతుంది.
ఆదాయపు పన్ను స్లాబ్లు- రాయితీలు
పన్ను రహిత ఆదాయం: గత బడ్జెట్లో రూ. 12 లక్షల వరకు ఆదాయాన్ని (స్టాండర్డ్ డిడక్షన్తో కలిపి రూ. 12.75 లక్షలు) పన్ను రహితం చేశారు. ఈసారి ఈ పరిమితిని రూ. 14 లక్షల వరకు పెంచాలని డిమాండ్ ఉంది.
30% పన్ను పరిమితి: ప్రస్తుతం రూ. 24 లక్షల కంటే ఎక్కువ ఆదాయం ఉన్నవారికి 30% పన్ను విధిస్తున్నారు. మధ్యతరగతి ప్రజల వద్ద ఖర్చు చేయడానికి ఎక్కువ నగదు మిగిలేలా, ఈ పరిమితిని రూ. 30 లక్షల లేదా రూ. 40 లక్షల వరకు పెంచాలని పరిశ్రమ వర్గాలు కోరుతున్నాయి.
Also Read: ఇరాన్లో 3,428 మంది మృతి.. ట్రంప్ కీలక ప్రకటన!
హోమ్ లోన్ (Section 24b), హెల్త్ ఇన్సూరెన్స్ (Section 80D)
హోమ్ లోన్: కొత్త పన్ను విధానాన్ని మరింత ఆకర్షణీయంగా మార్చడానికి గృహ రుణ వడ్డీపై రూ. 2 లక్షల వరకు మినహాయింపును కొత్త విధానంలో కూడా ప్రవేశపెట్టే అవకాశం ఉంది. ప్రస్తుతం ఇది పాత పన్ను విధానంలో మాత్రమే అందుబాటులో ఉంది.
హెల్త్ ఇన్సూరెన్స్: పెరుగుతున్న వైద్య ఖర్చుల దృష్ట్యా, సెక్షన్ 80డి కింద హెల్త్ ఇన్సూరెన్స్ ప్రీమియం మినహాయింపు పరిమితిని రూ. 25,000 నుండి రూ, 50,000 వరకు పెంచే సూచనలు కనిపిస్తున్నాయి.
పాత వర్సెస్ కొత్త పన్ను విధానం
ప్రభుత్వం ప్రస్తుతం కొత్త పన్ను విధానంపైనే పూర్తి దృష్టి సారించింది. పాత విధానంలో ఉన్న పన్ను చెల్లింపుదారులు కూడా కొత్త విధానానికి మారేలా మరిన్ని ప్రోత్సాహకాలను బడ్జెట్ 2026లో ఆశించవచ్చు. అయితే పాత విధానాన్ని ఇప్పుడే పూర్తిగా రద్దు చేసే అవకాశం తక్కువగా ఉంది.
హెల్త్ ఇన్సూరెన్స్పై GST తగ్గింపు
ప్రస్తుతం హెల్త్ ఇన్సూరెన్స్ ప్రీమియంపై 18% GST వసూలు చేస్తున్నారు, దీనివల్ల బీమా పాలసీలు భారంగా మారాయి. ఈ పన్నును 5% కి తగ్గించాలని లేదా కనీసం సీనియర్ సిటిజన్లకైనా పూర్తిగా రద్దు చేయాలని ప్రభుత్వం యోచిస్తోంది.