రేపు బ్యాంకుల‌కు సెల‌వు ఉందా? లేదా?!

Bank Holiday Alert: రేపు అనగా 19 మార్చి 2026 చైత్ర నవరాత్రి పవిత్ర పండుగ ప్రారంభం కానుంది. దీనితో పాటు దేశంలోని వివిధ ప్రాంతాలలో ఉగాది (తెలుగు నూతన సంవత్సరం), గుడి పడ్వా వంటి పండుగలను ఘనంగా జరుపుకోనున్నారు. ఈ పండుగల కారణంగా రిజర్వ్ బ్యాంక్ ఆఫ్ ఇండియా సెలవుల జాబితా ప్రకారం.. దేశంలోని పలు ప్రధాన నగరాల్లో రేపు బ్యాంకులు మూతపడనున్నాయి. మీరు రేపు ఏదైనా ముఖ్యమైన పని మీద బ్యాంక్ శాఖకు వెళ్లాలని ప్లాన్ చేస్తుంటే అనవసరమైన ఇబ్బందులు కలగకుండా మీ నగరంలో బ్యాంకులు తెరిచి ఉంటాయో లేదో ముందే తెలుసుకోవడం ముఖ్యం.

రేపు ఏ నగరాల్లో బ్యాంకులు బంద్?

మార్చి 19న దేశవ్యాప్తంగా బ్యాంకులు మూసివేయబడవు, కానీ ప్రాంతీయ పండుగల కారణంగా ఈ క్రింది నగరాల్లో బ్యాంకింగ్ సేవలకు అంతరాయం కలగనుంది.

Also Read: ఐపీఎల్ 2026.. స్టార్ ప్లేయ‌ర్స్‌కు గాయాలు?!

హైదరాబాద్, విజయవాడ, బెంగళూరు, చెన్నై: (ఉగాది / తెలుగు నూతన సంవత్సరం)

ముంబై మరియు నాగ్‌పూర్: (గుడి పడ్వా)

జమ్మూ- శ్రీనగర్: (నవరాత్రి/ సాజీబు నోంగ్మపన్బా)

బేలాపూర్, ఇంఫాల్, పనాజీ: (స్థానిక పండుగలు)

ఈ నగరాలు మినహా ఢిల్లీ, కోల్‌కతా, లక్నో వంటి ఇతర ప్రధాన నగరాల్లో బ్యాంకులు యధావిధిగా పనిచేస్తాయి.

బ్యాంక్ శాఖలు మూసి ఉన్నా ఆగేది లేదు!

రేపు కొన్ని నగరాల్లో బ్యాంక్ శాఖలు మూసి ఉన్నప్పటికీ డిజిటల్ సేవలపై ఎటువంటి ప్రభావం ఉండదు. కస్టమర్లు ఈ క్రింది సేవలను ఉపయోగించుకోవచ్చు.

ATM సేవలు: నగదు విత్ డ్రా లేదా బ్యాలెన్స్ చెక్ కోసం ఏటీఎంలు ఎప్పటిలాగే పనిచేస్తాయి.

నెట్ బ్యాంకింగ్, మొబైల్ యాప్: నగదు బదిలీ (NEFT/IMPS/RTGS) చేయడానికి మీరు ఆన్‌లైన్ బ్యాంకింగ్‌ను ఉపయోగించవచ్చు.

UPI చెల్లింపులు: గూగుల్ పే, ఫోన్ పే, పేటీఎం వంటి సేవలు నిరంతరాయంగా అందుబాటులో ఉంటాయి.

చెక్ క్లియరెన్స్ లేదా లాకర్ ఆపరేట్ చేయడం వంటి బ్యాంక్ మేనేజర్ లేదా కౌంటర్ వద్దకు వెళ్లాల్సిన పనులు ఉంటే వాటిని ఈరోజే పూర్తి చేసుకోండి లేదా ఎల్లుండికి వాయిదా వేసుకోండి.