ప్రస్తుతం మార్కెట్లో ఎన్నో రకాల బైక్స్ ఉన్నాయి అన్న విషయం మనందరికీ తెలిసిందే. అందులో కొన్ని ఎలక్ట్రిక్ వాహనాలు కాగా మరికొన్ని ఇందనంతో నడిచే వాహనాలు. కాగా ప్రస్తుతం మార్కెట్లో ఉన్న బైక్స్ లో ఒక్కొక్క బైక్ ఒక్కొక్క ప్రత్యేకతను కలిగి ఉంది. కొన్ని ఫీచర్స్ విషయంలో టాప్ లో ఉండగా మరికొన్ని ధర విషయంలో టాప్ లో ఉన్నాయి. అయితే మార్కెట్లో ఉన్న బైక్స్ లో కొన్ని రకాల బైక్స్ ధర విషయంలో అలాగే ఫీచర్స్ విషయంలో టాప్ లో ఉండి వినియోగదారులను బాగా ఆకట్టుకుంటున్నాయి. మరి ఇంతకీ ఆ బైక్స్ ఏవో, ఆ బైక్స్ ధర ఫీచర్ల గురించి ఇప్పుడు మనం తెలుసుకుందాం..
కవాసకి నింజా హెచ్ఆర్ అనేది ట్రాక్ ఓన్లీ మోటార్ సైకిల్. ఈ బైక్ ని పబ్లిక్ రోడ్లపై దీన్ని నడపలేరు. ఇది శక్తివంతమైన 998 సీసీ ఇంజిన్‌ తో కలిగి ఉంటుంది. అలాగే ఇది అద్భుతమైన పనితీరును కూడా అందిస్తుంది. ఈ బైక్ ట్యాంక్ సామర్థ్యం 17 లీటర్లు కాగా అలాగే సీటు ఎత్తు 830 మి.మీ. ఇకపోతే ఈ బైక్ ధర విషయానికి వస్తే.. హెచ్ఆర్ స్టాండర్డ్ ధర రూ.79,90,000 వద్ద ప్రారంభం అవుతుంది. మరో బైక్ విషయానికి వస్తే..హార్లే డేవిడ్సన్ రోడ్ గ్లైడ్ బైక్ కూడా యువతను అమితంగా ఆకట్టుకుంటుంది. 1,868 సీసీ ఇంజిన్‌ తో వచ్చే ఈ బైక్ బరువు 387 కిలోలు. 22.7 లీటర్ ట్యాంక్ సామర్థ్యంతో రోడ్ గ్లైడ్ స్పెషల్ స్టాండర్డ్ ప్రారంభ ధర రూ. 41,78,915గా ఉంది. అంటే ఈ బైకుల ధరలతో ఏకంగా ఒక కారుని కొనేయవచ్చు.
ఈ బైక్ ల వరుసలో మూడవ స్థానంలో బీఎండబ్ల్యూ ఎం 1000 ఆర్ బైక్ ఉంది. కాగా ఈ బైక్ 999 సీసీ ఇంజన్‌తో వస్తుంది. ఇది 192 కిలోల బరువు ఉంటుంది. 16.5 లీటర్ల ఫ్యూయెల్ ట్యాంక్ కెపాసిటీని కలిగి ఉంది. ఇది 832 మిమీ సౌకర్యవంతమైన సీట్ ఎత్తుతో వస్తుంది. ఈ బైక్ స్టాండర్డ్ రూ 49,00,000 నుంచి ప్రారంభం అవుతుంది. మరో బైక్ డుకాటి పనిగేల్ వీ4 ఆర్. ఈ బైక్ 998 సీసీ ఇంజిన్‌తో ద్వారా మెరుగైన శక్తి, పనితీరు ఆకట్టుకుంటుంది. 193.5 కిలోల బరువు, 17 లీటర్ల ఫ్యూయెల్ ట్యాంక్ కెపాసిటీ ఈ బైక్ ప్రత్యేకత. ఇది 850 మిల్లీమీటర్ల సౌకర్యవంతమైన సీట్‌తో వస్తుంది. ఈ బైక్ స్టాండర్డ్ ప్రారంభ ధర రూ. 69,99,000గా ఉంది. హెూండా గోల్డ్ వింగ్ టూర్ బైక్ శక్తివంతమైన 1,833 సీసీ ఇంజన్‌ తో వస్తుంది. స్మూత్ 7-స్పీడ్ ఆటోమేటిక్ ట్రాన్స్ మిషన్‌తో వచ్చే ఈ బైక్ బరువు 390 కిలోలు. ఈ బైక్ 21.1 లీటర్ల ఇంధన సామర్థ్యంతో వస్తుంది. ఈ బైక్ గరిష్టంగా 124.7 బీహెచ్‌పీ శక్తిని అందిస్తుంది. గోల్డ్ వింగ్ టూర్ స్టాండర్డ్ ధర రూ. 39,77,923 వద్ద ప్రారంభమవుతుంది.