Renault Rafale SUV: మార్కెట్ లోకి సరికొత్త ఎస్‌యూవీ కార్.. ధర, ఫీచర్స్ ఇవే?

Renault Rafale Suv

ప్రముఖ ఫ్రెంచ్ కార్ కంపెనీ రెనాల్ట్ రాఫెల్ గురించి మనందరికి తెలిసిందే. ఇప్పటికే రెనాల్ట్ రాఫెల్ పలు రకాల కార్లను పరిచయం చేసిన విషయం తెలిసిందే. ఇది ఇలా ఉంటే తాజాగా రెనాల్ట్ రాఫెల్ కంపెనీ కూపే-ఎస్‌యూవీని కారుని పరిచయం చేసింది. కాగా కొత్త ఎస్‌యూవీ కార్ వచ్చే ఏడాది ప్రపంచ మార్కెట్‌లో విడుదల కానున్నట్లు తెలుస్తోంది. మరి ఈ కార్ యొక్క ధర, ఫీచర్స్ విషయానికి వస్తే.. రెనాల్ట్ రాఫెల్ కంపెనీ 1934లో ప్రముఖ కాడ్రాన్ రెనాల్ట్ రాఫెల్ విమానాలను తీసుకువచ్చింది.

రికార్డు స్థాయిలో గంటకు 445 కిలోమీటర్ల వేగంతో దూసుకెళ్లిన ఈ విమానం జ్ఞాపకార్థం రెనాల్ట్ తన కొత్త కారును రూపొందించింది. రాఫెల్ కారులో హైబ్రిడ్ ఇంజన్ పవర్ ఉంది. ఇంకా హైబ్రిడ్ టెక్నాలజీతో వస్తున్న ఈ కారు ఫుల్ ట్యాంక్‌‌కి దాదాపు 1,100 కి.మీ మైలేజీ ఇస్తుందని కంపెనీ వెల్లడించింది. 5 సీటర్‌గా వస్తున్న ఈ కారులో పనోరమిక్ గ్లాస్ రూఫ్, 9.3 అంగుళాల హెడ్ అప్ డిస్‌ప్లే, 12.3 అంగుళాల డిజిటల్ ఇన్‌స్ట్రుమెంట్ క్లస్టర్, 12 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ వంటి పలు ఫీచర్స్ ఉన్నాయి. ఈ కారు 1.2లీటర్ టర్బోచార్జ్డ్, త్రీ సిలిండర్ పెట్రోల్ ఇంజన్ శక్తిని కూడా కలిగి ఉంది.

స్లోపింగ్ రూఫ్‌లైన్, లాంగ్ బానెట్, బ్లాక్ గ్రిల్, వైడ్ ఎయిర్ వెంట్స్, ఎల్‌ఈడీ హెడ్‌లైట్లు వంటి ఫీచర్లు కూడా రెనాల్ట్ రాఫెల్‌ కూపే ఎస్‌యూవీలో ఉండనున్నాయి. ఇవే కాకుండా బ్లాక్ పిల్లర్లు, ORVMs, ఫ్లేర్డ్ వీల్ ఆర్చ్‌లు, స్టైలిష్ ఏరోడైనమిక్ వీల్స్, షార్క్ ఫిన్ యాంటెన్నా, టెయిల్ ల్యాంప్స్ వంటి పలు రకాల అత్యాధునిక ఫీచర్లు సైతం ఉన్నాయి. కాగా ఈ కార్ ధర అలాగే మరిన్ని వివరాల గురించి తెలియాల్సి ఉంది.