New Renault Duster: భారతీయ SUV మార్కెట్లో ఒకప్పుడు చక్రం తిప్పిన రెనో డస్టర్, ఇప్పుడు సరికొత్త రూపంలో భారత్కు తిరిగి రావడానికి సిద్ధమైంది. మూడవ తరం ఆల్-న్యూ రెనో డస్టర్ వచ్చే ఏడాది గణతంత్ర దినోత్సవం సందర్భంగా అంటే 26 జనవరి 2026న భారతదేశంలో అరంగేట్రం చేయనుంది. ఈ కారు కోసం ఎంతో కాలంగా ఎదురుచూస్తున్న కస్టమర్లకు ఇది నిజంగా పెద్ద శుభవార్త.
పోటీ ఎవరితో?
మార్కెట్లోకి విడుదలైన తర్వాత కొత్త రెనో డస్టర్ నేరుగా మిడ్-సైజ్ SUV సెగ్మెంట్ లీడర్ హ్యుందాయ్ క్రెటాతో తలపడనుంది. దీనితో పాటు టాటా సియెర్రా, కియా సెల్టోస్, మారుతి గ్రాండ్ విటారా వంటి పాపులర్ SUVలకు కూడా ఇది గట్టి పోటీనివ్వనుంది.
మునుపటి కంటే శక్తివంతమైన డిజైన్
2026 రెనో డస్టర్ డిజైన్ పాత మోడల్ కంటే చాలా మోడ్రన్గా, దృఢంగా ఉంటుంది.
లైటింగ్: Y-షేప్ ఎలిమెంట్స్తో కూడిన కొత్త హెడ్ల్యాంప్లు, టైల్ల్యాంప్లు.
లుక్: స్పోర్టీ బంపర్, స్క్వేర్ షేప్ వీల్ ఆర్చెస్, మందపాటి బాడీ క్లాడింగ్, కొత్త డైమండ్-కట్ అలాయ్ వీల్స్.
ఆఫ్-రోడింగ్: ఇది 31 డిగ్రీల అప్రోచ్ యాంగిల్, 36 డిగ్రీల డిపార్చర్ యాంగిల్తో రానుంది. ఇది ఆఫ్-రోడింగ్ ప్రియులకు అద్భుతమైన అనుభూతినిస్తుంది.
Also Read: టీ-20 ప్రపంచ కప్ 2026.. టీమిండియా ఓపెనింగ్ జోడీ ఎవరు?
హై-టెక్ ఇంటీరియర్, ఫీచర్లు
కొత్త డస్టర్ క్యాబిన్ పూర్తిగా డ్రైవర్-ఫోకస్డ్ లేఅవుట్తో రానుంది. ఇందులో ఉండబోయే కొన్ని ప్రధాన ఫీచర్లు
10.1 అంగుళాల పెద్ద టచ్స్క్రీన్ ఇన్ఫోటైన్మెంట్ సిస్టమ్.
7 అంగుళాల కలర్ డ్రైవర్ డిస్ప్లే.
6-స్పీకర్ల Arkamys సౌండ్ సిస్టమ్.
వైర్లెస్ ఆపిల్ కార్ప్లే, ఆండ్రాయిడ్ ఆటో.
వైర్లెస్ ఛార్జర్, 360-డిగ్రీ కెమెరా, ఎలక్ట్రానిక్ పార్కింగ్ బ్రేక్.
భద్రతకు పెద్దపీట
భద్రత విషయంలో రెనో ఎక్కడా రాజీ పడటం లేదు. కొత్త డస్టర్లో లెవల్-2 ADAS (అడ్వాన్స్డ్ డ్రైవర్ అసిస్టెన్స్ సిస్టమ్స్) టెక్నాలజీ ఉండే అవకాశం ఉంది. దీనితో పాటు హిల్ హోల్డ్ అసిస్ట్, ఎలక్ట్రానిక్ స్టెబిలిటీ కంట్రోల్ మరియు మల్టిపుల్ ఎయిర్బ్యాగ్స్ వంటి ఫీచర్లు దీనిని అత్యంత సురక్షితమైన SUVలలో ఒకటిగా నిలుపుతాయి.
ఇంజిన్, పెర్ఫార్మెన్స్
ప్రారంభంలో రెనో డస్టర్ కేవలం పెట్రోల్ ఇంజిన్ ఆప్షన్లతోనే రానుంది.
1.3 లీటర్ పెట్రోల్ EDC, 1.2 లీటర్ మైల్డ్ హైబ్రిడ్ పెట్రోల్ ఇంజిన్ ఆప్షన్లు ఉండవచ్చు.
మాన్యువల్, ఆటోమేటిక్ గేర్బాక్స్ ఎంపికలు ఉంటాయి.
టాప్ వేరియంట్లలో 4×4 డ్రైవ్ట్రెయిన్ ఆప్షన్ కూడా ఇచ్చే అవకాశం ఉంది.
హైబ్రిడ్ వేరియంట్ను కంపెనీ తర్వాతి దశలో విడుదల చేయవచ్చు.