New Hyundai Venue: హ్యుందాయ్ వెన్యూ బుకింగ్‌లు ప్రారంభం!

New Hyundai Venue: హ్యుందాయ్ (New Hyundai Venue) మోటార్ ఇండియా లిమిటెడ్ తన కాంపాక్ట్ ఎస్‌యూవీ విభాగంలో కొత్త మైలురాయిని ప్రవేశపెడుతూ సరికొత్త హ్యుందాయ్ వెన్యూ బుకింగ్‌లను ప్రారంభించింది. ఇది తన బోల్డ్ డిజైన్, ప్రీమియం ఇంటీరియర్స్, అధునాతన సాంకేతికతతో నగర రోడ్లపై ఆధిపత్యాన్ని చెలాయించనుంది. ‘టెక్ అప్. గో బియాండ్.’ అనే నినాదంతో ఈ ఎస్‌యూవీ ప్రతి డ్రైవ్‌లోనూ కస్టమర్‌లకు మరింత స్టైల్, మరింత సౌకర్యం, మరింత ఆవిష్కరణ అనుభవాన్ని అందించడానికి సిద్ధంగా ఉంది.

బోల్డ్, విశాలమైన ఎక్స్టీరియర్స్

సరికొత్త హ్యుందాయ్ వెన్యూ ఇప్పుడు మునుపటి కంటే పొడవుగా, వెడల్పుగా, ఎత్తుగా ఉంది. తద్వారా దీని రోడ్ ప్రెజెన్స్ మరింత శక్తివంతంగా కనిపిస్తుంది. ఇందులో ట్విన్ హార్న్ LED DRLలు, క్వాడ్ బీమ్ LED హెడ్‌ల్యాంప్‌లు, మస్క్యులర్ వీల్ ఆర్చ్ డిజైన్, డార్క్ క్రోమ్ రేడియేటర్ గ్రిల్, R16 డైమండ్ కట్ అల్లాయ్ వీల్స్ ఉన్నాయి. దీని శిల్పకళాత్మక క్యారెక్టర్ లైన్స్, సిగ్నేచర్ సి-పిల్లర్ గార్నిష్ ఈ ఎస్‌యూవీకి ప్రత్యేక గుర్తింపును ఇస్తాయి.

Also Read: CM Chandrababu Naidu : కర్నూల్ బస్ ప్రమాదం చంద్రబాబు సీరియస్ ..వారిపై కఠిన చర్యలు.!

క్యాబిన్‌లోకి అడుగుపెట్టగానే డ్యూయల్-టోన్ డార్క్ నేవీ, డవ్ గ్రే ఇంటీరియర్స్, లెదర్ సీట్లు, టెర్రాజో-టెక్చర్ క్రాష్ ప్యాడ్ మీకు స్వాగతం పలుకుతాయి. ఇన్ఫోటైన్‌మెంట్, క్లస్టర్ కోసం 12.3” + 12.3” కర్వ్డ్ పనోరమిక్ డిస్‌ప్లే అందుబాటులో ఉంది. ఈ ఎస్‌యూవీలో సౌకర్యవంతమైన సీట్లు, 2-స్టెప్ రిక్లైనింగ్ వెనుక సీట్లు, వెనుక ఏసీ వెంట్స్, ప్రీమియం ఆర్మ్‌రెస్ట్ వంటి సౌకర్యాలు కూడా ఉన్నాయి.

బుకింగ్ ప్రారంభం

సరికొత్త హ్యుందాయ్ వెన్యూ బుకింగ్‌లను దేశవ్యాప్తంగా ఉన్న ఏదైనా హ్యుందాయ్ డీలర్‌షిప్‌లో రూ. 25,000 ప్రారంభ ధరతో చేసుకోవచ్చు. దీనితో పాటు హ్యుందాయ్ అధికారిక వెబ్‌సైట్‌పై క్లిక్ చేసి కూడా బుక్ చేసుకోవచ్చు.