ఇటీవల కాలంలో ప్రముఖ వాహన తయారీ సంస్థలు వినియోగదారుల దృష్టిని ఆకర్షించడం కోసం వరుసగా ఒకదాని తర్వాత ఒకటి ఆఫర్లను అందిస్తూ యోగదారులకు అతి తక్కువ ధరకే వాహనాలను అందించే ప్రయత్నం చేస్తున్నాయి. వరుస ఆఫర్లతో వినియోగదారుల దృష్టిని ఆకర్షిస్తున్నాయి. అందులో భాగంగానే దేశంలోని ప్రముఖ ఆటోమొబైల్ తయారీదారు మారుతీ సుజుకి, దాని ప్రముఖ హ్యాచ్బ్యాక్, సెడాన్, SUV మోడళ్లపై అనేక అద్భుతమైన తగ్గింపులను అందిస్తోంది. మారుతీ సుజుకి ఇండియా ఈ ఫిబ్రవరిలో నెక్సా ఛానెల్ ద్వారా విక్రయించే కార్లపై రూ.50,000 వరకు తగ్గింపును అందిస్తోంది.
ఇందులో కస్టమర్ డిస్కౌంట్లు, ఎక్స్ఛేంజ్ లేదా స్క్రాపేజ్ బోనస్లు, కార్పొరేట్ డిస్కౌంట్లు ఉంటాయి. మారుతి సుజుకి యొక్క Nexa పోర్ట్ఫోలియోలో ఇగ్నిస్, బాలెనో, సియాజ్, ఫ్రాంక్స్ , జిమ్నీ, Grand Vitara, XL6, Invicto వంటి ఉత్పత్తులు ఉన్నాయి. డీలర్ల ప్రకారం, XL6, Invicto మినహా అన్ని Nexa మోడల్లపై ఈ నెలలో ఆఫర్లు ఉన్నాయి. మరి ఏఏ కారుపై డిస్కౌంట్ లభిస్తోంది అన్న విషయానికి వస్తే.. మారుతీ సుజుకి ఇగ్నిస్ రూ.44,000 వరకు లభిస్తోంది. అలాగే మారుతీ సుజుకి బాలెనో పై రూ.37,000 వరకు తగ్గింపు ధరను పొందవచ్చు.
మారుతి సుజుకి సియాజ్ రూ.28,000 వరకు డిస్కౌంట్ లభిస్తోంది. మారుతీ సుజుకి ఫ్రాంక్లు రూ.40,000 వరకు, మారుతి సుజుకీ జిమ్నీ కారుపై గరిష్టంగా రూ.50,000 ఆఫర్ ఇస్తున్నారు. మారుతి సుజుకి ఇగ్నిస్ అనేది ఎంట్రీ లెవల్ నెక్సా కారు. దీని ఎక్స్-షోరూమ్ ధర రూ.5.84 లక్షల నుంచి రూ.8.25 లక్షల వరకు ఉంది. ఇదిలా ఉంటే, భారతదేశంలో అత్యధికంగా అమ్ముడైన ప్రీమియం హ్యాచ్బ్యాక్ మారుతీ సుజుకి బాలెనో ఎక్స్-షోరూమ్ ధరలు రూ.6.66 లక్షల నుంచి రూ.9.88 లక్షల వరకు ఉన్నాయి. మారుతి సుజుకి యొక్క సియాజ్ ఎక్స్-షోరూమ్ ధర రూ. 9.40 లక్షల నుంచి రూ. 12.45 లక్షల మధ్య ఉంది. కంపెనీ ఫ్రాంక్స్ ఎక్స్-షోరూమ్ ధర రూ.7.51 లక్షలతో మొదలై రూ.13.03 లక్షల వరకు ఉంది. ఇదిలా ఉంటే, మారుతి సుజుకి జిమ్నీ ఎక్స్-షోరూమ్ ధర రూ.12.74 లక్షల నుంచి రూ.14.95 లక్షల మధ్య ఉండగా.. గ్రాండ్ విటారా ఎక్స్-షోరూమ్ ధర రూ.10.80 లక్షల నుంచి రూ.20.09 లక్షల మధ్య ఉంది.