ప్రముఖ ఆటోమొబైల్ తయారీ సంస్థ మారుతీ సుజుకి గురించి మనందరికి తెలిసిందే. దేశంలో అత్యధికంగా అమ్ముడవుతున్న కార్లలో మారుతి సుజుకి కార్లు కూడా ఒకటి. అంతేకాకుండా అత్యధికంగా కార్లను సేల్స్ చేస్తున్న కంపెనీలలో మారుతి సుజుకి మొదటి స్థానంలో ఉంటుంది అనడంలో ఎటువంటి సందేహం లేదు. ఇప్పటికే మార్కెట్లోకి విడుదల చేసిన వాహనాలతో పాటు ఎప్పటికప్పుడు కొత్త కొత్త వాహనాలను విడుదల చేస్తూ ఉంటుంది మారుతి సుజుకి. ఇక అందులో భాగంగానే తాజాగా మారుతి సుజుకి ఫ్రాంక్స్ కి సరిపోతా ఎడిషన్ ను తీసుకువచ్చింది. ఫ్రాంక్స్ వెలాసిటీ ఎడిషన్ పేరుతో ఈ కారును లాంచ్‌ చేశారు. మరి ఈ కారుకు సంబంధించిన మరిన్ని వివరాల్లోకి వెళితే.. ఈ కారు మొత్తం 14 వేరియంట్స్‌లో అందుబాటులోకి వచ్చింది.
ఫ్రాంక్స్ వెలాసిటీ నేచురల్ ఆస్పిరేటెడ్ పెట్రోల్, సీఎన్జీ ఇంజిన్ ఆప్షన్స్‌ లో అందుబాటులోకి వచ్చింది. ఈ ఎస్‌యూవీ కారు ప్రారంభ వేరియంట్‌ ఎక్స్‌ షోరూమ్‌ ధర రూ. 7.29 లక్షలుగా నిర్ణయించారు. ఇకపోతే ఈ కారు ఫీచర్ల విషయానికొస్తే ఇందులో.. 1.2 సిగ్మా వెలాసిటీ ఫ్రంట్ బంపర్, హెడ్ల్యాంప్, వీల్ఆర్చ్‌ లతో పాటు 1.0 లీటర్ టర్బో పెట్రోల్ వేరియంట్లలో, ఫ్రాంక్స్ డెల్టా + వెలాసిటీ లోయర్ ట్రిమ్స్ నుంచి అన్ని గార్నిష్ ఎలిమెంట్స్‌ ను అందించారు. అలాగే కార్బన్ ఫినిష్ ఇంటీరియర్ స్టైలింగ్ కిట్, 3డీ బూట్ మ్యాట్ వంటి ఇంటీరియర్ యాక్సెసరీలు ఈ కారు ప్రత్యేకతలుగా చెప్పవచ్చు. బోల్డ్‌ ఎస్‌యూవీ అనుభవాన్ని కోరుకునే వారి కోసం ఈ కారు ఉపయోగపడుతుందని మారుతీ సుజుకీ ఇండియా లిమిటెడ్ మార్కెటింగ్ అండ్ సేల్స్ సీనియర్ ఎగ్జిక్యూటివ్ ఆఫీసర్ పార్థు బెనర్జీ తెలిపారు.
ఈ కారు కేవలం పది నెలల్లో లక్ష అమ్మకాలను సాధించిందని ఆయన వెల్లడించారు. ఇకపోతే ఈ మారుతీ సుజుకీ ఫ్రాంక్స్ వెలాసిటీ ఎడిషన్ ఫీచర్ల విషయానికొస్తే.. ఇందులో 5-స్పీడ్ మాన్యువల్, ఏఎమ్టీ తో జతచేసిన ఫ్రాంక్స్ లోని 1.2 లీటర్ పెట్రోల్ ఇంజన్‌ ను అందించారు. అలాగే 5 స్పీడ్ మాన్యువల్, 6 స్పీడ్ టార్క్ కన్వర్టర్ తో జతచేసిన స్మార్ట్ హైబ్రిడ్ టెక్నాలజీతో మరింత పవర్ ప్యాక్ చేసిన 1.0 లీటర్ బూస్టర్ జెట్‌ను కూడా ఇచ్చారు. ఇక 1.2 లీటర్ సీఎన్జీ వెర్షన్ కూడా అందించారు. సీఎన్జీ కిలోకు 28.51 కిలోమీటర్ల మైలేజ్ ఇస్తుందని కంపెనీ చెబుతోంది. ఇక ఇన్ఫోమేట్ సిస్టమ్ విషయానికొస్తే.. ఇందులో ఆండ్రాయిడ్‌ ఆటోతో కూడిన 9 ఇంచెస్‌ టచ్‌ స్క్రీన్‌ ఇన్ఫోటైన్మెంట్ సిస్టమ్, టర్న్-బై-టర్న్ నావిగేషన్తో హెడ్-అప్ డిస్ప్లే, 360-కెమెరా, వైర్‌లెస్‌ ఛార్జింగ్‌ వంటి అధునాతన ఫీచర్లను కూడా అందించారు.