భారతదేశంలో కార్ల వినియోగం విపరీతంగా పెరిగిపోయింది. రోజురోజుకీ వినియోగదారుల సంఖ్య అంతకంతకూ పెరుగుతూనే ఉంది తప్ప తగ్గడం లేదు. మిడిల్ క్లాస్ ఫ్యామిలీ వారు కూడా వారి ఫ్యామిలీకి తగ్గట్టుగా ఉండే ఒక చిన్న సైజు కారుని కూడా కొనుగోలు చేస్తున్నారు. దీంతో కార్ల కార్ల తయారీ సంస్థలు కూడా మధ్యతరగతి వాళ్ళ నుంచి హై క్లాస్ ఫ్యామిలీ వరకు ప్రతి ఒక్కరికి అందుబాటులో ఉండే విధంగా కార్లను మార్కెట్ లోకి విడుదల చేస్తున్నాయి. మార్కెట్లో ఎన్నో రకాల కార్లకు మంచి డిమాండ్ ఉంది. అటువంటి వాటిలో హ్యుందాయ్ కూడా ఒకటి.
హ్యుందాయ్ కంపెనీ నుంచి విడుదలయ్యే కార్లకు మన దేశంలో మంచి డిమాండ్ ఉంది. ఎల్లప్పుడూ మంచి మంచి ఫీచర్స్, నాణ్యత కలిగిన కారులను మార్కెట్లోకి విడుదల చేస్తూ వినియోగదారులను ఆకర్షిస్తోంది. కాగా దక్షిణ కొరియాకు చెందిన ఈ కంపెనీ ఆధునిక టెక్నాలజీతో వివిధ కార్లను రూపొందించి విడుదల చేస్తోంది. ఇప్పుడు దేశంలో కొత్తగా డ్యూయల్ సిలిండర్ టెక్నాలజీతో హ్యుందాయ్ గ్రాండ్ ఐ10 సీఎన్జీ కారును విడుదల చేసింది. మరి తాజాగా విడుదల చేసిన ఆ కారుకు సంబంధించిన వివరాల్లోకి వెళితే..
హ్యుందాయ్ మోటార్ ఇండియా లిమిటెడ్ గ్రాండ్ ఐ10 నియోస్ హెచ్‌వై సీఎన్జీ డుయోను దేశ మార్కెట్లో విడుదల చేసింది.
కొత్త సీఎన్జీ వేరియంట్ డ్యూయల్ సిలిండర్ టెక్నాలజీతో ఈ కారుని రూపొందించింది. హ్యుందాయ్ గ్రాండ్ ఐ10 నియోస్ సీఎన్‌జీని డ్యూయల్ సిలిండర్లతో మాగ్నా, స్పోర్ట్జ్ అనే రెండు రకాల వేరియంట్లలో విడుదల చేసింది. వీటి ధరలు రూ. 7.75 లక్షల నుంచి రూ. 8.30 లక్షల వరకూ ఉన్నాయి. ఇకపోతే తాజాగా విడుదల చేసిన కారు యొక్క ప్రత్యేకతల విషయానికొస్తే.. హ్యుందాయ్ గ్రాండ్ ఐ10 నియోస్ సీఎన్జీ కారుకు అనేక ప్రత్యేకతలు ఉన్నాయి. ప్రొజెక్టర్ హెడ్‌ ల్యాంప్ లు, లెడ్ డీఆర్ఎల్, లెడ్ టెయిల్ ల్యాంప్, రూఫ్ రైల్స్, షార్క్ ఫిన్ ఆన్టెన్నా ఆకట్టుకుంటున్నాయి. వీటితో పాటు 20.25 సెంటీ మీటర్ల టచ్‌స్క్రీన్ ఇన్‌ఫోర్టైన్‌మెంట్ సిస్టమ్, ఫుట్‌ వెల్ లైటింగ్, రియర్ ఎసివెంట్స్, టిల్ట్ స్టీరింగ్ తదితర ఫీచర్లు ప్రత్యేకంగా అందిస్తున్నారు. ఈ కారులో ప్రయాణికుల రక్షణకు ఎంతో ప్రాధాన్యతనిచ్చారు. దానిలో భాగంగా అధునాతన భద్రతా ఫీచర్లతో కూడిన ఆరు ఎయిర్ బ్యాగ్‌లను ఏర్పాటు చేశారు. అదనంగా టీపీఎంఎస్ హైలైన్, వెనుక పార్కింగ్ కెమెరా, పగలూ రాత్రి ఐఆర్వీఎం, ఎలక్ట్రానిక్స్ స్టెబిలిటీ కంట్రోల్ హిల్ స్టార్ట్ అసిస్ట్ కంట్రోల్ లాంటి ఆకర్షణీయమైన ఫీచర్లతో ఈ కార్లను రూపొందించారు.