ప్రముఖ ఆటోమొబైల్ తయారీ సంస్థ హోండా ఇప్పటికే ఎన్నో రకాల బైక్స్ ని మార్కెట్ లోకి విడుదల చేసిన విషయం తెలిసిందే. ఇప్పటికే మార్కెట్లోకి విడుదల చేసిన వాడితో పాటు కొత్త కొత్త వాటిని కూడా తీసుకు వస్తూనే ఉంది. అయితే తాజాగా కూడా మరో కొత్త బైక్ ని లాంచ్ చేసింది హోండా. మరి ఆ వివరాల్లోకి వెళితే.. ఓబీడీ2బీ.కంప్లైంట్ హోండా ఎస్పీ160 2025 బైకును లాంచ్ చేసింది. ఈ కొత్త బైకు ప్రారంభ ధర రూ. 1,21,951 వద్ద అందుబాటులో ఉంది. ఈ మోటార్‌ సైకిల్ ఇప్పుడు అప్‌డేట్ ఇంజన్, అదనపు ఫీచర్లను కలిగి ఉంది.
కాగా ఈ హోండా ఎస్పీ160 2025 బైకు 162.71 సీసీ, సింగిల్ సిలిండర్, ఫ్యూయల్ ఇంజెక్ట్ ఇంజిన్‌ ను కలిగి ఉంది. ఇప్పుడు ఓబీడీ2బీ కంప్లైంట్ బైకులో ఇంజన్ గరిష్టంగా 13 హెచ్‌పీ శక్తిని, 14.8 ఎన్ఎమ్ గరిష్ట టార్క్‌ ను అభివృద్ధి చేస్తుంది. 5 స్పీడ్ గేర్‌ బాక్స్‌ తో వస్తుంది. అలాగే ఈ మోటార్‌ సైకిల్ కొత్త ఎల్ఈడీ హెడ్‌ ల్యాంప్, ఎల్ఈడీ టెయిల్‌ ల్యాంప్, మస్కులర్ ఫ్యూయల్ ట్యాంక్, ఏరోడైనమిక్ అండర్ కౌల్, క్రోమ్ కవర్‌ తో కూడిన మఫ్లర్ వంటి ఫీచర్లతో వస్తుంది. రియల్ టైమ్ టర్న్ బై టర్న్ నావిగేషన్, కాల్, ఎస్ఎంఎస్ అలర్ట్‌లు, మ్యూజిక్ ప్లేబ్యాక్ కోసం బ్లూటూత్ కనెక్టివిటీ, హోండా రోడ్‌సింక్ యాప్ సపోర్టుతో కూడిన కొత్త 4.2 అంగుళాల టీఎఫ్టీ డిస్‌ప్లే ఉంది.
మీరు కొత్త యూఎస్‌‍బీ టైప్ సి ఛార్జింగ్ పోర్ట్‌ ను కూడా పొందవచ్చని తెలిపారు. కాగా హోండా ఎస్పీ160 2025 రేడియంట్ రెడ్ మెటాలిక్, పెర్ల్ ఇగ్నియస్ బ్లాక్, పెరల్ డీప్ గ్రౌండ్ గ్రే, అథ్లెటిక్ బ్లూ మెటాలిక్ వంటి నాలుగు కలర్లలో లభించనుంది. వేరియంట్ వారీగా హోండా ఎస్పీ160 2025 ధరలు సింగిల్ డిస్క్ : రూ. 1,21,951 కాగా, డబుల్ డిస్క్ : రూ. 1,27,956 గా ఉంది. కాగా ఈ హోండా బైక్ కు సంబంధించి మరిన్ని వివరాలు ఇంకా తెలియాల్సి ఉంది.