ప్రముఖ ఆటోమొబైల్ తయారీ సంస్థ కియా ప్రస్తుతం ఇయర్ ఎండ్ సేల్స్ లో భాగంగా కొన్ని రకాల కార్లపై అదిరిపోయే డిస్కౌంట్లను అందిస్తోంది. ఇప్పటికే మారుతీ సుజుకీ, హ్యుందాయ్, మహీంద్రా, టాటా మోటార్స్ ఈ దారిలో నడుస్తున్న విషయం తెలిసిందే. ఆయా కంపెనీలకు చెందిన కార్లపై అదిరిపోయే డిస్కౌంట్ ని అందిస్తున్నాయి. మరి కొద్ది రోజుల్లో 2024 సంవత్సరం వస్తుండడంతో ఈ సేల్స్ ని తీసుకువచ్చాయి. అయితే ఇప్పుడు కియా మోటార్స్ కూడా ఇదే కోవలోకి వచ్చింది. కియా కంపెనీకి చెందిన సోనెట్, సెల్టోస్, కేరెన్స్ కార్లపై అదిరిపోయే డిస్కౌంట్ ని అందిస్తోంది. ప్రస్తుతం పండుగ సీజన్లు ఏమీ లేకపోవడంతో ఇయర్ ఎండ్ సేల్స్ ని ప్రకటించాయి ఆటోమొబైల్ తయారీ సంస్థలు.
ప్రస్తుతం మళ్లీ సంవత్సరాంతపు డిస్కౌంట్లు ప్రకటించడంతో జోరందుకుంటోంది. ఇయర్ ఎండ్ డిస్కౌంట్లను అమ్మకాలు బాగా పెరుగుతాయని మార్కెట్ నిపుణులు భావిస్తున్నారు. ఇకపోతే కియా కంపెనీ అందిస్తున్న డిస్కౌంట్లు వివిధ మోడళ్లపై వేర్వేరుగా ఉన్నాయి. సోనెట్ కారుకు సంబంధించి ఎక్స్చేంజ్ బోనస్ అందుబాటులో లేదు. అయినా డీలర్ స్థాయి తగ్గింపులతో పాటు రూ.పది వేల కార్పొరేట్ డిస్కౌంట్ లభిస్తోంది. అదేవిధంగా సెల్టోస్ కారుపై రూ.40 వేల ఎక్స్చేంజ్ బోనస్ పొందవచ్చు. మరో రూ.15 వేల కార్పొరేట్ తగ్గింపు లభిస్తోంది.
అలాగే ఢిల్లీలో మొదటి ఏడాదికి రూ.1 తోనే సమగ్ర బీమా పొందవచ్చట. కేరెన్స్ మోడల్ పై రూ.15 వేల కార్పొరేట్ తగ్గింపుతో పాటు ఐదేళ్ల వారంటీ ప్యాకేజీ లభిస్తోంది. కాగా కియా కార్లకు మన దేశ మార్కెట్ లో మంచి డిమాండ్ ఉందన్న విషయం తెలిసిందే. అయితే ఇందులో భాగంగా కియా సెల్టోస్ ను నవీకరణ చేయనుంది. సరికొత్త డిజైన్, కొత్త ఇంటీరియర్ తో ఆకర్షణీయంగా తీర్చిదిద్దనుంది. నవీకరణ చేసిన కారు వచ్చే ఏడాది మార్కెట్ లోకి వచ్చే అవకాశం ఉందని తెలుస్తోంది. కియా కంపెనీ నుంచి త్వరలో సిరోస్ ఎస్ యూవీ విడుదల కానుందట. పనోరమిక్ సన్ రూఫ్, ఏడీఏఎస్, టెర్రైన్ మోడ్ లు, వైర్ లెస్ చార్జింగ్ తదితర ఫీచర్లతో అందుబాటులోకి రానుందని, ఈ కారు డిసెంబర్ 19న దేశంలో విడుదల అవుతుందని చెబుతున్నారు.