మామూలుగా మిడిల్ క్లాస్ ఫ్యామిలీ వారు వాహనాలు ఏవైనా సరే బడ్జెట్ ధరలో ఉండాలని కోరుకుంటూ ఉంటారు. అందుకే వాహనాలపై డిస్కౌంట్లు వచ్చినప్పుడు లేదంటే ఫెస్టివల్స్ సీజన్ లోనే ఎక్కువగా కొనుగోలు చేస్తూ ఉంటారు. తక్కువ ధరకే కు మైలేజ్ ఇచ్చే వాహనాలను ఎక్కువగా ఇష్టపడుతూ ఉంటారు. ప్రతి పదిమందిలో ఎనిమిది మంది మద్యతరగతి వారే అన్న విషయం అందరికీ తెలిసిందే. మరి ప్రస్తుతం మార్కెట్లో బడ్జెట్ ధరలో అందరికి అందుబాటులో ఉన్న ఆ బైక్స్ ఏవో ఇప్పుడు మనం తెలుసుకుందాం.. అయితే మీరు కూడా రూ.70 వేలలోపు ధరలో మంచి మైలేజీని ఇచ్చే బైక్స్ కోసం చూస్తున్నారా. అయితే ఈ బైక్స్ పై ఒక లక్కేయండి.
కాగా ఇందులో మొదట హోండా షైన్ 100 విషయానికి వస్తే.. ఈ బైక్ తక్కువ ధరలో మంచి మైలేజీని అందిస్తుంది. ఈ బైక్ ఎక్స్ షోరూమ్ ధర రూ.66,600గా ఉంది. ఇది 7.38 PS గరిష్ట శక్తిని, 8.05 Nm గరిష్ట టార్క్‌ని విడుదల చేసే 98.98 సీసీ సింగిల్ సిలిండర్ ఎయిర్ కూల్డ్ పెట్రోల్ ఇంజన్‌తో పనిచేస్తుంది. 4 స్పీడ్ గేర్‌బాక్స్. ఈ హోండా షైన్ 100 68 kmpl మైలేజీని అందిస్తుంది. అనలాగ్ ఇన్స్ట్రుమెంట్ క్లస్టర్, ఎలక్ట్రిక్ స్టార్టర్, సైడ్ స్టాండ్ ఇంజిన్ కట్ ఆఫ్ వంటి ఫీచర్లు కూడా ఇందులో ఉన్నాయి. ఈ బైక్స్ బ్లాక్ విత్ రెడ్, బ్లాక్ విత్ గోల్డ్ వంటి చాలా రంగుల ఎంపికలలో కూడా అందుబాటులో ఉన్నాయి. భద్రత కోసం డ్రమ్ బ్రేక్‌ను కలిగి ఉంటుంది.
ఇక బజాజ్ ప్లాటినా 100 విషయానికి వస్తే.. ఈ బైక్స రూ.68,742 గా ఉంది. కాగా ఇది 7.9 PS పవర్, 8.3 Nm గరిష్ట టార్క్‌ను ఉత్పత్తి చేయగల 102సీసీ సింగిల్ సిలిండర్ ఎయిర్ కూల్డ్ పెట్రోల్ ఇంజన్‌ ను పొందుతుంది. 4 స్పీడ్ గేర్‌ బాక్స్‌ ను కలిగి ఉంటుంది. సరికొత్త బజాజ్ ప్లాటినా 100 బైక్ 70 కేఎంపీఎల్ మైలేజీని అందిస్తుంది. ఇది బ్లాక్ అండ్ రెడ్, బ్లాక్ అండ్ సిల్వర్, బ్లాక్ అండ్ గోల్డ్ వంటి అనేక కలర్స్ ఆప్షన్స్‌ లో లభిస్తుంది. హాలోజన్ హెడ్‌లైట్, సింగిల్ పీస్ సీట్, అనలాగ్ ఇన్స్ట్రుమెంట్ క్లస్టర్ వంటి వివిధ ఫీచర్లు ఉన్నాయి. ఈ బైక్ డ్రమ్ బ్రేక్‌ ను కూడా కలిగి ఉంటుంది.
ఇక టీవీఎస్ స్పోర్ట్ బైక్ విషయానికి వస్తే.. ఈ బైక్ ధర రూ.67,320 నుండి రూ.72,033 మధ్య ఉంటుంది. ఇది 109.7 సీసీ , సింగిల్ సిలిండర్ ఎయిర్ కూల్డ్ పెట్రోల్ ఇంజన్‌ను పొందుతుంది. ఇది గరిష్టంగా 8.19 PS శక్తిని, 8.7 Nm గరిష్ట టార్క్‌ను ఉత్పత్తి చేస్తుంది. 4-స్పీడ్ గేర్‌బాక్స్‌ను కూడా కలిగి ఉంటుంది. కొత్త టీవీఎస్ స్పోర్ట్ మోటార్‌ సైకిల్ 70 kmpl మైలేజీని అందిస్తుంది. అనలాగ్ ఇన్స్ట్రుమెంట్ ప్యానెల్, బల్బ్ స్టైల్ హెడ్‌లైట్, LED DRL, సెల్ఫ్ స్టార్ట్ వంటి వివిధ ఫీచర్లు ఉన్నాయి. ఈ బైక్ బరువు 112 కిలోలు, 10 లీటర్ల సామర్థ్యం గల ఇంధన ట్యాంక్‌ను కలిగి ఉంది.