Bajaj Auto CNG bikes: మార్కెట్ లోకి రాబోతున్న బజాజ్ ఆటో సీఎన్​జీ బైక్స్.. లాంచింగ్ డేట్ అప్పుడే?

Mixcollage 02 Feb 2024 03 04 Pm 3061

దేశంలో అతిపెద్ద బైక్స్ తయారీ సంస్థ అయిన బజాజ్ ఆటో ఇప్పటికే పలు రకాల బైక్స్ ని మార్కెట్లోకి విడుదల చేసిన విషయం తెలిసిందే. అయితే ఇప్పుడు సరికొత్తగా మార్కెట్ లోకి సీఎన్​జీ మోటార్​సైకిల్స్​ని లాంచ్​ చేసేందుకు ఏర్పాటు చేసుకుంటోంది బజాజ్ ఆటో. అయితే ఈ సీఎన్​జీ బైక్స్ 2025 ఆర్థిక ఏడాదిలో మార్కెట్​లోకి అడుగుపెడతాయని సమాచారం. ఈ బైక్స్​ అటు పెట్రోల్​తో పాటు ఇటు సీఎన్​జీ పైనా నడుస్తాయట. ఈ నేపథ్యంలో ఈ బజాజ్​ ఆటో సీఎన్​జీ బైక్స్​ కి సంబంధించిన వివరాలు సోషల్ మీడియాలో వైరల్ అవుతున్నాయి. మరి ఆ వివరాల్లోకి వెళితే.. 3 వీలర్​ సీఎన్​జీ వెహికల్స్​లో గ్రాండ్​గా సక్సెస్​ అయిన సంస్థ బజాజ్​ ఆటో.

ఇక ఇప్పుడు 2 వీలర్​ సీఎన్​జీ బైక్స్​పై ఫోకస్​ చేసింది. ఈ సరికొత్త సీఎన్​జీ బైక్స్​ కోసం ప్రత్యేకంగా ఒక బ్రాండ్​ని సృష్టిస్తున్నట్టు బజాజ్​ ఆటో ఎగ్జిక్యూటివ్​ డైరక్టర్​ రాకేశ్​ శర్మ తెలిపారు. అయితే పెట్రోల్​ ఆధారిత బైక్స్​తో పోల్చుకుంటేఈ సీఎన్​జీ 2 వీలర్​ వెహికల్స్​ ధర కాస్త ఎక్కువే ఉండవచ్చని మార్కెట్​ వర్గాలు భావిస్తున్నాయి. మేన్యుఫ్యాక్చరింగ్​ ప్రాసెస్​ ఎక్కువగా ఉండటం ఇందుకు ఒక కారణం. సీఎన్​జీ బైక్స్​ కోసం ఫ్యూయెల్​ ట్యాంక్స్​ని ప్రత్యేకంగా రూపొందించాలి. ఈ ఫ్యూయెల్​ ట్యాంక్​లో పెట్రోల్​, సీఎన్​జీ రెండు ఆప్షన్స్​ ఉండాలి. ఈ టెక్నాలజీకి సంబంధించిన ఎలాంటి వివరాలు ప్రస్తుతం అందుబాటులో లేవు.

అయితే మరి ఈ సీఎన్​జీ బైక్స్​ పూర్తిగా కొత్తగా ఉంటాయా? లేక ఇప్పుడున్న బైక్ మోడల్స్​కి సీఎన్​జీ టచ్​ ఇస్తుందా? అన్న క్లారిటీ లేదు. ప్రస్తుతం మార్కెట్​లో అనేక సీఎన్​జీ కార్లు అందుబాటులో ఉన్నాయి. వాటిల్లో దాదాపు అన్ని ఐసీఈ ఇంజిన్​ మోడల్స్​కి సీఎన్​జీ టచ్​ ఇచ్చినవే. అయితే.. ఒక్క బైక్​ లాంచ్​ చేసి, దానికి ఎంతటి ఆదరణ లభిస్తోంది? అని చూసి, మరో బైక్​ని రూపొందించడం కాకుండా వరుసగా సీఎన్​జీ బైక్స్​ని తయారు చేసి, వాటిని మార్కెట్​లో విడుదల చేయాలన్న స్ట్రాటజీతో సంస్థ ఉన్నట్టు తెలుస్తోంది. ఫ్యూయెల్​ ఖర్చులు తగ్గించుకునేందుకు ప్రయత్నించే కస్టమర్లను దృష్టిలో పెట్టుకుని ఈ సీఎన్​జీ బైక్స్​ని రూపొందిస్తున్నట్టు శర్మ తెలిపారు. ఒక్క బైక్​ని మాత్రమే లాంచ్​ చేయడం లేదు. ఈ సెగ్మెంట్​లో వివిధ బైక్స్​ని లాంచ్​ చేస్తున్నాము. సీఎన్​జీ మోటార్​సైకిల్స్​ కోసం ప్రత్యేకంగా ఓ పోర్ట్​ఫోలియో ఉండాలన్నది మా ఆలోచన అని శర్మ వివరించారు.