YSRCP: వైసీసీ అధికారిక ట్విట్టర్ అకౌంట్ హ్యాక్

Ycp Hacked

వైసీపీ (YSRCP) అఫీషియల్ ట్విట్టర్ అకౌంట్ హ్యాక్‌కు గురైంది. హ్యాకర్లు ట్విట్టర్ ప్రొఫైల్, కవర్ ఫొటోను మార్చేశారు. పార్టీకి సంబంధం లేని క్రిప్టో కమ్యూనిటీ పోస్టులను రీ ట్వీట్ చేస్తున్నారు. అతి త్వ‌ర‌లోనే వైసీపీ (YSRCP) ట్విట్టర్ ఖాతాను అందుబాటులోకి తీసుకురానున్నామని టెక్నికల్ టీమ్ తెలిపింది. గతంలోనూ టీడీపీ ట్విట్టర్‌ అకౌంట్‌ సైబర్‌ కేటుగాళ్లు హ్యాక్‌ చేశారు. వైసీపీ ట్విట్టర్ అకౌంట్‌ను హ్యాక్ చేసిన హ్యాకర్లు.. ప్రొఫైల్ పిక్, కవర్ పిక్‌లను మార్చేశారు. అలాగే కొన్ని ట్వీట్స్ కూడా చేశారు. అయితే ట్విట్టర్‌ అకౌంట్‌లో వైసీపీకి సంబంధించిన పోస్టులను మాత్రం అలాగే ఉంచారు. దీంతో వైఎస్సార్ కాంగ్రెస్ పార్టీ ఐటీ టీమ్ అప్రమత్తమైంది. వెంటనే ఈ విషయాన్ని ట్విట్టర్ యజమాన్యం దృష్టికి తీసుకెళ్లింది.

అధికార వైఎస్ఆర్ కాంగ్రెస్ పార్టీకి చెందిన సోషల్ మీడియా సైట్లు అత్యంత శక్తివంతమైన నెట్‌వర్క్‌గా పేరుగాంచాయి. ముఖ్యమంత్రి వైఎస్‌ జగన్‌మోహన్‌రెడ్డికి సోషల్‌ మీడియా విభాగం ఆవిర్భావం నుంచి అండగా నిలుస్తోంది. కొందరు హ్యాకర్లు YSRCP ఖాతాను హ్యాక్ చేసి దానికి మరో పేరు పెట్టారు. YSRCP ట్విట్టర్ ఖాతా NFT మిలియనరీగా మార్చబడింది. ఖాతా పేరుతో వైఎస్ఆర్ కాంగ్రెస్ పార్టీ పేరును ఉంచారు. రాత్రి నుంచి హ్యాకర్లు కొత్త ట్వీట్లు చేస్తున్నారు. ఈ హ్యాకింగ్ వ్యవహారం రాజకీయ వర్గాల్లో చర్చనీయాంశంగా మారింది.

Also Read: road accident: ఘోర రోడ్డు ప్రమాదం.. ముగ్గురు యువకులు దుర్మరణం

YSRCP ట్విట్టర్ ఖాతాను రెగ్యులర్ గా ఫాలో అయ్యే అభిమానులు కొత్త ట్వీట్లు చూసి షాక్ అయ్యారు. నాన్-ఫంగబుల్ టోకెన్ (NPT) గురించిన సమాచారం పోస్ట్ చేయబడింది. ట్విట్టర్ కొత్త బాస్ మస్క్ ఒక వార్తా కథనాన్ని పోస్ట్ చేశారు. బిట్‌కాయిన్, ఇతర క్రిప్టోకరెన్సీల ప్రచార కథనాలు కూడా అక్కడ పోస్ట్ చేయబడ్డాయి. అమెరికా నుంచి ట్విట్టర్ ఖాతా హ్యాక్ అయినట్లు తెలుస్తోంది. స్థానం USAకి మార్చబడింది. వైసీపీకి సంబంధించిన కొత్త సమాచారం లేదా అప్‌డేట్‌లు ఇక్కడ పోస్ట్ చేయబడలేదు. లక్షలాది మంది ఫాలోవర్లు ఉన్నందున హ్యాకర్లు ఈ ట్విట్టర్ హ్యాండిల్‌ను టార్గెట్ చేసినట్లు తెలుస్తోంది. రెండు నెలల క్రితం టీడీపీ అధికారిక ట్విట్టర్ అకౌంట్ హ్యాక్ అయింది. టీమ్ వెంటనే ట్విటర్‌ను సంప్రదించి ఖాతాను పునరుద్ధరించింది. ఇప్పుడు వైఎస్సార్సీపీ ట్విట్టర్ అకౌంట్ హ్యాక్ కావడం ఆసక్తికరంగా మారింది.