Andhra Pradesh : ఏపీలో మండుతున్న ఎండ‌లు.. రానున్న మూడు రోజుల పాటు ఉష్ణోగ్ర‌త‌లు పెరిగే ఛాన్స్‌

Heatwave Allert

రానున్న మూడు రోజుల పాటు ఏపీలో ఎండల తీవ్రత మరింత పెరిగే అవకాశం ఉందని వాతావరణ శాఖ తెలిపింది. ఇప్పటికే పలుచోట్ల సాధారణ ఉష్ణోగ్రతల కంటే 2 నుంచి 4 డిగ్రీల మేర ఉష్ణోగ్రతలు పెరగగా ఆదివారం నుంచి ఎండల తీవ్రత పెరగనుంది. కోస్తా జిల్లాల్లోని పలు ప్రాంతాల్లో ఆదివారం 45 డిగ్రీలకు పైగా ఉష్ణోగ్రతలు నమోదయ్యే అవకాశం ఉందని వాతావరణ శాఖ హెచ్చరించింది. రాష్ట్రంలోని 136 మండలాల్లో భారీ వర్షాలు, 173 మండలాల్లో వేడిగాలులు వీచే అవకాశం ఉందని ఎండీ బీఆర్ అంబేద్కర్ తెలిపారు. విజయనగరం, పార్వతీపురం మన్యం, అల్లూరి సీతామరాజు, అనకాపల్లి, కాకినాడ, అంబేద్కర్ కోనసీమ, జంట గోదావరి జిల్లాలు, ఏలూరు, కృష్ణా, ఎన్టీఆర్, గుంటూరు, బాపట్ల, పలనాడులోని కొన్ని ప్రాంతాల్లో 45 నుంచి 47 డిగ్రీల ఉష్ణోగ్రతలు నమోదయ్యే అవకాశం ఉందని ఏపీఎస్‌డీఎంఏ తెలిపింది.

ప్రకాశం, నెల్లూరు జిల్లాలు, శ్రీకాకుళం, కర్నూలు, నంద్యాల, వైఎస్ఆర్, అన్నమయ్య, చిత్తూరు, తిరుపతి జిల్లాల్లోని కొన్ని ప్రాంతాల్లో 42 నుంచి 44 డిగ్రీలు నమోదయ్యే అవకాశం ఉంది. ప్రజలు అప్రమత్తంగా ఉండాలని సూచించారు. శనివారం నంద్యాల జిల్లా గోస్పాడులో అత్యధికంగా 42.2 డిగ్రీలు, తూర్పుగోదావరి జిల్లా నందరాడలో 41.9 డిగ్రీలు, ముగ్గుళ్లలో 41.9 డిగ్రీలు, బాపట్ల జిల్లా అమృతలూరులో 41.8 డిగ్రీల ఉష్ణోగ్రతలు నమోదయ్యాయి. ఆగ్నేయ బంగాళాఖాతంలో కొనసాగుతున్న తీవ్ర వాయుగుండం మరింత బలపడి తీవ్ర తుపానుగా మారింది. ప్రస్తుతం ఇది గంటకు 22 కి.మీ వేగంతో ఈశాన్య ఈశాన్య దిశగా కదులుతోంది మరియు శనివారం రాత్రికి బంగ్లాదేశ్‌లోని కాక్స్ బజార్‌కు నైరుతి-నైరుతి దిశలో పోర్ట్ బ్లెయిర్‌కు వాయువ్యంగా 610 కిలోమీటర్ల దూరంలో కేంద్రీకృతమై ఉంది. ఇది ఆదివారం మధ్యాహ్నం సిట్వే వద్ద కాక్స్ బజార్ (బంగ్లాదేశ్) – కక్ప్యు (మయన్మార్) మధ్య తీరం దాటుతుంది, ఇది తీవ్రమైన తుఫాను ఉత్తర-వాయువ్య దిశగా కదులుతుంది.