AP Results 2024: ఆంధ్రప్రదేశ్ ఎన్నికల కౌటింగ్ మొదలైంది. తమదే విజయమని టీడీపీ, వైసీపీ పార్టీలు ధీమా వ్యక్తం చేస్తున్నాయి. అయితే టీడీపీ ఇప్పటికే పోస్టల్ బ్యాలెట్ రూపంలో ముందంజలో ఉంది. కాగా ఆంధ్రప్రదేశ్ రాజకీయాల్లో టీడీపీ రెండు చోట్ల గెలుపు అనేది సహజంగా కనిపిస్తుంటుంది. కుప్పం, హిందూపురంలో టీడీపీకి తిరుగులేకుండా పోయింది. అక్కడ ఎన్ని బలమైన నాయకులూ ప్రచారం చేసినా, డబ్బు, మద్యంతో ఓట్లు దక్కించుకోవాలని చూసినా ఆ రెండు నియోజనకవర్గాల ప్రజలు టీడీపీకే అధికారం కట్టబెడతారు.
గత 40 ఏళ్లుగా ఈ ప్రాంతాల్లో టీడీపీ జెండా రెపరెపలాడుతుంది. ఈ సెగ్మెంట్లలో 1983 నుంచి టీడీపీ అభ్యర్థులు వరుసగా గెలుపొందారు.1983, 1985లో రంగస్వామినాయుడు గెలుపొందడంతో కుప్పంలో టీడీపీ ప్రాబల్యం మొదలైంది.చంద్రగిరి నియోజకవర్గంలోని నారావారి గ్రామానికి చెందిన చంద్రబాబు నాయుడు 1983లో చంద్రగిరిలో ఓడిపోవడంతో కుప్పంపై దృష్టి సారించారు. అప్పటి నుంచి కుప్పంలో 1989 నుంచి 2019 వరకు వరుసగా ఏడుసార్లు గెలిచి తిరుగులేని శక్తిగా నిలిచారు. మూడున్నర దశాబ్దాలకు పైగా నియోజక వర్గ ఓటర్ల నుంచి గట్టి మద్దతు లభించడంతో ఆయన వ్యూహాత్మకంగా కుప్పం వెళ్లడం ఫలించింది. కుప్పంలో తన వారసత్వాన్ని మరింత పదిలం చేసుకుంటూ ఇప్పుడు ఎనిమిదోసారి పోటీ చేస్తున్నారు.
హిందూపూర్ నియోజకవర్గం పార్టీ ఆవిర్భావం నుంచి హిందూపురం టీడీపీకి కంచుకోటగా ఉంది. ఇక్కడ, ఓటర్లు వ్యక్తిగత అభ్యర్థులను మించి పార్టీ గుర్తుపై దృష్టి పెడతారు. నందమూరి కుటుంబం మొత్తం ఆరుసార్లు గెలిచి ప్రత్యేకించి బలమైన ప్రభావాన్ని కలిగి ఉంది. 1983లో పామిశెట్టి రంగనాయకులుతో విజయ పరంపర మొదలైంది, ఆ తర్వాత నందమూరి తారక రామారావు (ఎన్టీఆర్) 1985, 1989, 1994లో హ్యాట్రిక్ విజయాలను అందించారు. 2014 నుంచి హిందూపురాన్ని తన కోటగా మార్చుకున్న నందమూరి బాలకృష్ణ 2024లో మూడోసారి ఈ నియోజకవర్గం నుంచి పోటీ చేయబోతున్నారు. నిన్నటి ఎగ్జిట్ పోల్స్లో కూడా కుప్పం, హిందూపూర్లను మళ్లీ చంద్రబాబు నాయుడు, బాలకృష్ణ గెలుపొందారని అసెంబ్లీ ఎన్నికల్లో వైఎస్సార్సీపీకి మెజారిటీ ఇచ్చిన వారు ప్రకటించారు.
Also Read: Khammam Lok Sabha : 21 రౌండ్లలో ఓట్ల లెక్కింపు, ఫలితాల కోసం ఆరు చోట్ల ఎల్ఈడీ స్క్రీన్లు..!