Lokesh Phone Tapping: మే 13న ఆంధ్రప్రదేశ్లో ఎన్నికలు జరగనున్నాయి. ఇందుకోసం ఆయా రాజకీయ పార్టీలు ఎన్నికల ప్రచారాన్ని వేగవంతం చేశాయి. ప్రజాగళం పేరుతో టీడీపీ ప్రజలకు దగ్గరవుతుంది. వారాహి విజయ యాత్ర పేరుతో పవన్ బరిలోకి దిగగా.. అధికార పార్టీ వైసీపీ మేమంతా సిద్ధం పేరుతో బస్సు యాత్రకు శ్రీకారం చుట్టింది. కాగా టీడీపీ, జనసేన, బీజేపీ కూటమిగా ఎన్నికల బరిలోకి దిగితుండగా, వైసీపీ ఒంటరిగానే బరిలోకి దిగుతుంది. దీంతో ఏపీలో రాజకీయ వాతావరణం హాట్ హాట్ గా నడుస్తుంది. ఈ సమయంలో టీడీపీ ప్రధాన కార్యదర్శి నారా లోకేష్ ఫోన్ ట్యాపింగ్ అవ్వడం సంచలనంగా మారింది. ప్రముఖ యాపిల్ సంస్థ లోకేష్ ఫోన్ ట్యాపింగ్ అయిందంటూ బాంబ్ పేల్చింది. దీంతో అలర్ట్ అయిన టీడీపీ లోకేష్ ఫోన్ ట్యాపింగ్ పై ఈసీకి ఫిర్యాదు చేసింది.
రాష్ట్ర ప్రభుత్వం ఉదాసీనంగా కొందరు పోలీసు అధికారులు లోకేష్ ఫోన్ను ట్యాప్ చేస్తున్నారని ఆ పార్టీ ఆరోపించింది. ఈ మేరకు ప్రధాన ఎన్నికల కమిషనర్కు రాజ్యసభ మాజీ సభ్యుడు కె.రవీంద్రకుమార్ శుక్రవారం లేఖ రాశారు.పెగాసస్ సాఫ్ట్వేర్ను ఉపయోగించి గుర్తుతెలియని ఏజెన్సీలు తన ఫోన్ను ట్యాప్ చేశాయని లోకేష్కు ఐ-ఫోన్ నుండి హెచ్చరికలు అందాయని ఈసీకి నివేదించారు.
We’re now on WhatsApp. Click to Join
డీజీపీ రాజేంద్రనాథ్ రెడ్డి, ఇంటెలిజెన్స్ చీఫ్ పీఎస్ఆర్ ఆంజనేయులు వైఎస్సార్సీపీకి తొత్తులుగా మారారని, ఆంధ్రాలో జరిగే ఎన్నికల్లో ఎన్డీఏ కూటమి భాగస్వాముల అవకాశాలను దెబ్బతీసేందుకు చట్టవిరుద్ధమైన చర్యలకు పాల్పడుతున్నారని టీడీపీ నేత లేఖలో ప్రస్తావించారు.గత కొన్నేళ్లుగా రాజేంద్రనాథ్రెడ్డి డీజీపీగా కొనసాగుతున్నారని, ఇది సుప్రీంకోర్టు ఆదేశాలను ఉల్లంఘించడమేనని పునరుద్ఘాటించారు. ఆంజనేయులు రాష్ట్ర ప్రభుత్వానికి అనుబంధుడు అని లేఖలో పేర్కొన్నారు. ఈ అధికారులపై చర్యలు తీసుకోవాలని, వారి స్థానాల్లో కొత్త అధికారులను నియమించి, స్వేచ్ఛగా మరియు నిష్పక్షపాతంగా ఎన్నికలు జరిగేలా చూడాలని టీడీపీ ఈసీని కోరింది. కాగా మే 13న ఆంధ్రప్రదేశ్లో అసెంబ్లీ, లోకసభ ఎన్నికలు జరగనున్నాయి.