ఆంధ్రప్రదేశ్‌లో టీసీఎస్ గ్రూప్ భారీ పెట్టుబడులు పెట్టేందుకు ముందుకు వచ్చింది. ఆంధ్రప్రదేశ్ ముఖ్యమంత్రి నారా చంద్రబాబు నాయుడుతో టాటా గ్రూప్ సంస్థల ఛైర్మన్ నటరాజన్ చంద్రశేఖరన్ సోమవారం సమావేశమయ్యారు. ఈ సమావేశంలో పలు రంగాల్లో పెట్టుబడులు పెట్టేందుకు నటరాజన్ చంద్రశేఖరన్ సంసిద్ధత వ్యక్తం చేశారు.
ఈ విషయాన్ని ఏపీ సీఎం చంద్రబాబు నాయుడు తన ఎక్స్ వేదిక ద్వారా తెలియజేశారు. ‘‘దివంగత రతన్ టాటా తన దార్శనిక నాయకత్వం మరియు సహకారంతో భారతదేశ పారిశ్రామిక రంగంలో చెరగని ముద్ర వేశారని’’ తెలిపారు. ‘‘ఆయన, మన రాష్ట్ర అభివృద్ధికి కూడా అనేక అద్భుతమైన కృషి చేశారు. ఆయన వేసిన మార్గదర్శకతను కొనసాగిస్తూ, నటరాజన్ చంద్రశేఖరన్‌తో ఈ చర్చలు కొనసాగించామని’’ చంద్రబాబు నాయుడు చెప్పారు.
Met with the Executive Chairman of @TataCompanies, Mr. N. Chandrasekaran, in Amaravati today. We reflected on the remarkable legacy of Mr Ratan Tata, whose visionary leadership and contribution have left an indelible mark on India's industry landscape. He made immense… pic.twitter.com/2RnwndF0LY
— N Chandrababu Naidu (@ncbn) November 11, 2024
ఆంధ్రప్రదేశ్ అభివృద్ధిలో టాటా గ్రూప్ కీలక భాగస్వామిగా ఉందని ముఖ్యమంత్రి నారా చంద్రబాబు నాయుడు తెలిపారు. నటరాజన్ చంద్రశేఖరన్‌తో జరిగిన భేటీలో, ఆంధ్రప్రదేశ్ అభివృద్ధికి సంబంధించి పలు అంశాలపై చర్చలు జరిగినట్లు ఆయన వెల్లడించారు.
టాటా గ్రూప్ మరియు ఆంధ్రప్రదేశ్ ప్రభుత్వం పరస్పర సహకారంతో రాష్ట్ర అభివృద్ధిని ఎలా కొనసాగించవచ్చనే అంశంపై కూడా చర్చించినట్లు చంద్రబాబు పేర్కొన్నారు.
విశాఖపట్నంలో టీసీఎస్ ఐటీ డెవలప్‌మెంట్ సెంటర్ ఏర్పాటు గురించి కూడా చర్చించామని తెలిపారు. టాటా గ్రూప్ ఈ సెంటర్ కోసం ముందుకు వచ్చిందని, ఈ ప్రాజెక్టు ద్వారా పది వేల ఉద్యోగాలు సృష్టించడమే లక్ష్యంగా టీసీఎస్ సెంటర్ ఏర్పాటు చేయనున్నట్లు ఆయన తన ట్వీట్‌లో పేర్కొన్నారు.
ఆంధ్రప్రదేశ్‌లో పర్యాటకం మరియు పారిశ్రామిక అభివృద్ధి కోసం టాటా గ్రూప్‌కు చెందిన ఇండియన్ హోటల్స్ సంస్థ 20 హోటళ్లను రాష్ట్రవ్యాప్తంగా ఏర్పాటు చేయడానికి ఆసక్తి చూపిస్తున్నట్లు ముఖ్యమంత్రి నారా చంద్రబాబు నాయుడు తన ఎక్స్ ఖాతా ద్వారా వెల్లడించారు.
ఈ 20 హోటళ్లలో తాజ్, వివంతా, గేట్‌వే, సెలెక్యూషన్స్, జింజర్ హోటల్స్ వంటి ప్రఖ్యాత బ్రాండ్లు ఉండనున్నాయి. అటు, ఈ హోటళ్లతో పాటు కన్వెన్షన్ సెంటర్ కూడా ఏర్పాటు చేసే ఆలోచనలో ఉన్నట్లు చంద్రబాబు నాయుడు పేర్కొన్నారు.
అలాగే, 40 వేల కోట్ల పెట్టుబడితో టాటా పవర్ సంస్థ 5 గిగావాట్ల సామర్థ్యంతో సోలార్ మరియు విండ్ ఎనర్జీ ప్రాజెక్టులను ఆవిష్కరించడానికి ఆసక్తి కనబరిచింది.
Today, I chaired the first meeting of the Taskforce on Economic Development for Swarna Andhra Pradesh@2047, alongside @TataCompanies Executive Chairman, Mr. N. Chandrasekaran. This Taskforce unites industry giants from diverse sectors to help shape a visionary blueprint for AP’s… pic.twitter.com/TeLRAfDfUS
— N Chandrababu Naidu (@ncbn) November 11, 2024
ప్రాథమిక ఆరోగ్య రంగంలో ఆర్టిఫిషియల్ ఇంటెలిజెన్స్ మరియు ఇతర సాంకేతిక సహకారం కోసం టాటా గ్రూప్‌కు ఆంధ్రప్రదేశ్ ప్రభుత్వం అభ్యర్థన చేసినట్లు ముఖ్యమంత్రి నారా చంద్రబాబు నాయుడు వెల్లడించారు.
ప్రతి ఇంట్లోనూ ఎంటర్‌ప్రెన్యూర్లను తయారుచేయడమే ఆంధ్రప్రదేశ్ ప్రభుత్వం లక్ష్యమని చెప్పారు. ఈ దిశలో, రతన్ టాటా ఇన్నోవేషన్ హబ్‌ను రాష్ట్రంలో ఏర్పాటు చేయనున్నారు.
ఈ చర్యలు ఆంధ్రప్రదేశ్ పారిశ్రామిక అభివృద్ధి కోసం కీలకంగా మారతాయని, ఈ ప్రణాళికలు రాష్ట్ర అభివృద్ధికి నూతన దిశను కల్పించేందుకు మరింత సహాయపడతాయని చంద్రబాబు తన ట్వీట్‌లో తెలిపారు.