పరిటాల కుటుంబం, టీడీపీ పార్టీపై ధర్మవరం మాజీ ఎమ్మెల్యే వరదాపురం సూర్యనారాయణ చేసిన వ్యాఖ్యలపై ధర్మవరం టీడీపీ ఇంచార్జి పరిటాల శ్రీరామ్ ఖండించారు. సూర్యనారాయణ వ్యాఖ్యలపై శ్రీరామ్ తీవ్ర ఆగ్రహం వ్యక్తం చేస్తూ పార్టీకి, కార్యకర్తలకు నష్టం కలిగిస్తున్నారని ఆరోపించారు. సూర్యనారాయణ తన స్వార్థం కోసం పార్టీని వీడారని ఆయన విమర్శించారు. సూర్యనారాయణ వల్లనే మాజీ మంత్రి శంకర్ నారాయణ, జనసేన నాయకుడు మధుసూదన్ రెడ్డి పార్టీని వీడారని శ్రీరామ్ పేర్కొన్నారు. పార్టీ పనులు, బిల్లులపై సూర్యనారాయణ తప్పుడు ఆరోపణలు చేస్తున్నారని, అహంకారంతో మాట్లాడటం, అసత్యపు మాటలు ప్రచారం చేయడం మానుకోవాలని హెచ్చరించారు. ధర్మవరంలో లక్ష ఓట్ల మెజారిటీతో గెలిస్తే ఇతరుల ఓట్లకు గండి పడుతుందని, కొత్త సంవత్సరంలో సూర్యనారాయణ, ఆయన అనుచరులు నోరు అదుపులో పెట్టుకుంటే మంచిద‌ని హెచ్చరించారు.
We’re now on WhatsApp. Click to Join.
సూర్యనారాయణ మళ్లీ పార్టీలో చేరాలనుకుంటే ధర్మవరం ప్రజలకు, పార్టీ కార్యకర్తలకు, చంద్రబాబు, లోకేష్ వంటి నేతలకు క్షమాపణ చెప్పాలని శ్రీరామ్ సవాల్ విసిరారు. కాలువ నిర్మాణం,ధర్మవరం చెరువుకు నీటి సరఫరా గురించి సూర్యనారాయణ చేసిన వ్యాఖ్య‌లను శ్రీరామ్ ప్రశ్నించాడు, సూర్యనారాయణ అసమర్థత ఆ ప్రాంతాలలో సమస్యలకు కారణమైందన్నారు. ధర్మవరంలో ఎక్కువ మెజారిటీతో గెలుస్తానన్న సూర్యనారాయణ వ్యాఖ్యలపై శ్రీరామ్ మండిప‌డ్డారు. సూర్యనారాయణ మాటలను ప్రజలు నవ్వుకుంటున్నారని పేర్కొన్నారు. రాబోయే కొత్త సంవత్సరంలో వారి భాష, ప్రవర్తనను నియంత్రించుకోవాల‌ని పరిటాల శ్రీరామ్ హెచ్చరించారు.