NeVa APP: ఆంధ్రప్రదేశ్ అసెంబ్లీ మరియు పార్లమెంటరీ వ్యవహారాల శాఖ మధ్య ‘జాతీయ ఈ విధాన్ యాప్ – నేవా’ అమలు కోసం కీలక ఒప్పందం కుదిరింది. ఈ ఒప్పందం ప్రకారం, ఏపీ అసెంబ్లీ మరియు మండలి ఇకపై ‘నేవా’ యాప్‌ను అమలు చేయనున్నాయి.
కేంద్రప్రభుత్వం రూపొందించిన ఈ యాప్ అన్ని రాష్ట్రాల అసెంబ్లీ, మండలి, పార్లమెంట్ కార్యకలాపాలను ఒకే వేదికపై అనుసంధానం చేస్తుంది. ఇప్పటికే పలు రాష్ట్రాల అసెంబ్లీలలో ‘నేవా’ యాప్ అమలులో ఉంది, దీనిలో భాగస్వామ్యం ఉంటే కాగిత రహితంగా అసెంబ్లీ కార్యక్రమాలు నిర్వహించడానికి అవకాశం ఉంటుంది.
ఈ ‘నేవా’ యాప్ వల్ల అసెంబ్లీ సమావేశాలు పూర్తిగా డిజిటల్ రూపంలో నిర్వహించబడతాయి, తద్వారా పేపర్ ఆధారిత కార్యాలయాల పనులను తగ్గించవచ్చు. ఈ మేరకు ఏపీ అసెంబ్లీ స్పీకర్ అయ్యన్న పాత్రుడు మీడియాకు ఈ నిర్ణయానికి సంబంధించిన వివరాలను వెల్లడించారు.
అసెంబ్లీ కార్యకలాపాలు కాగిత రహితంగా:
కాగిత రహిత విధానంలో అసెంబ్లీ కార్యకలాపాలను డిజిటల్ రూపంలో నిర్వహించేందుకు పార్లమెంటరీ వ్యవహారాల మంత్రిత్వ శాఖ రూపొందించిన నేషనల్ ఈ విధాన్ అప్లికేషన్ (నేవా) లో ఆంధ్రప్రదేశ్ శాసనసభ మరియు శాసనమండలి చేరాయి. ఈ సందర్భంగా సోమవారం ఢిల్లీలో నిర్వహించిన కార్యక్రమంలో ఏపీ శాసనమండలి చైర్మన్ మోసేన్ రాజు, శాసనసభ స్పీకర్ అయ్యన్నపాత్రుడు, డిప్యూటీ స్పీకర్ రఘురామకృష్ణరాజు, పార్లమెంటరీ వ్యవహారాల శాఖ కార్యదర్శి ఉమంగ్‌నరులా సమక్షంలో అసెంబ్లీ సెక్రటరీ జనరల్ సూర్యదేవర ప్రసన్నకుమార్ మరియు పార్లమెంటరీ వ్యవహారాల శాఖ అదనపు కార్యదర్శి సత్యప్రకాశ్-లు అవగాహన ఒప్పందంపై సంతకాలు చేశారు. ఈ ఒప్పందంతో, ‘నేవా’ యాప్ ద్వారా అసెంబ్లీ సమావేశాలు పూర్తిగా డిజిటల్, కాగిత రహితంగా నిర్వహించబడేలా చూస్తారు.
Signed MOU for the implementation of paperless Assembly proceedings in the Andhra Pradesh Assembly at the Chambers of Hon’ble Minister for Parliamentary Affairs in the Parliament House. @AyyannaPatruduC #APAssembly #Parliament pic.twitter.com/DCChgki0PC
— K Raghu Rama Krishna Raju (RRR) (@KRaghuRaju) November 25, 2024
పార్లమెంట్ మరియు 31 శాసనసభలు, 6 శాసనమండళ్లను డిజిటల్ వేదికపై చేరుస్తూ ‘నేవా’ యాప్ ప్రారంభం:
పార్లమెంటరీ వ్యవహారాల శాఖ దేశంలోని 31 శాసనసభలు మరియు 6 శాసనమండళ్లను ఒకే డిజిటల్ వేదికపైకి తీసుకువస్తూ ‘నేవా’ యాప్ ను ప్రారంభించింది. ఈ యాప్ ద్వారా, పార్లమెంట్‌తో పాటు రాష్ట్రాల అసెంబ్లీ, కౌన్సిల్ సభ్యులకు ట్యాబ్‌లు అందించడం జరుగుతుంది.
‘నేవా’ యాప్ అమలులోకి వచ్చిన తర్వాత, సభా కార్యకలాపాలు పూర్తిగా డిజిటల్ గా నిర్వహించబడతాయి. ప్రతి సభ్యుడికి ఈ యాప్‌లో ప్రత్యేక డ్యాష్‌బోర్డు అందుబాటులో ఉంటుంది, తద్వారా వారు సభలో తన కార్యకలాపాలను సులభంగా చూసుకోగలుగుతారు.