NTR: పేరు మార్పుపై బాల‌య్య ఆగ్ర‌హం.. అప్పుడు తండ్రి..ఇప్పుడు కొడుకు..!

Balakrishna

ఎన్టీఆర్ హెల్త్ య‌నివ‌ర్సిటీ పేరు మార్పుపై ఏపీలో ఆందోళ‌న‌లు కొన‌సాగుతున్నాయి. ప‌లువురు సినీ, రాజ‌కీయ ప్ర‌ముఖులు పేరు మార్చ‌డాన్ని తీవ్రంగా ఖండించారు. ఇటు స్వ‌ర్గీయ నంద‌మూరి తార‌క‌రామారావు కుటుంబ స‌భ్యులు కూడా పేరు మార్పుని తీవ్రంగా ప‌రిగ‌ణిస్తున్నారు. అయితే హిందూపురం ఎమ్మెల్యే నంద‌మూరి బాల‌కృష్ణ ఆల‌స్యంగా స్పందించారు. ఆయ‌న సినిమా షూటింగ్‌లో బిజీగా ఉండ‌టంతో ఆయ‌న అసెంబ్లీ స‌మావేశాల‌కు రాలేదు. జ‌రుగుతున్న ప‌రిణామాల‌న్నీ చూసిన బాల‌కృష్ణ జ‌గ‌న్ స‌ర్కార్ పై ఆగ్ర‌హం వ్య‌క్తం చేశారు. ట్విట్ట‌ర్ ఆయ‌న ఘాటుగా వ్యాఖ్య‌లు చేశారు. “మార్చెయ్యటానికీ తీసెయ్యటానికి NTR అన్నది పేరుకాదు.. ఓ సంస్కృతి.. ఓ నాగరికత.. తెలుగుజాతి వెన్నెముక.. తండ్రి గద్దెనెక్కి ఎయిర్ పోర్ట్ పేరు మార్చాడు.. కొడుకు గద్దెనెక్కి యూనివర్సిటీ పేరు మారుస్తున్నాడు.. మిమ్మల్ని మార్చటానికి ప్రజలున్నారు…… పంచభూతాలున్నాయ్ తస్మాత్ జాగ్రత్.. అక్కడ ఆ మహనీయుడు పెట్టిన భిక్షతో బతుకుతున్న నేతలున్నారు.. పీతలున్నారు.. విశ్వాసంలేని వాళ్లని చూసి కుక్కలు వెక్కిరిస్తున్నాయ్.. శునకాలముందు తలవంచుకు బతికే సిగ్గులేని బతుకులు” అంటూ బాల‌కృష్ణ ట్వీట్ చేశారు.

NBK