ఆంధ్రప్రదేశ్లో భారీ వివాదాన్ని రేపిన లిక్కర్ స్కామ్ కేసులో మరో ముఖ్యమైన పరిణామం చోటు చేసుకుంది. ఈ కేసులో నిందితుడిగా ఉన్న వెంకటేశ్ నాయుడు (A-34) మొబైల్ ఫోన్ను అన్లాక్ చేసేందుకు సిట్కు ACB కోర్టు అనుమతి ఇచ్చింది. దర్యాప్తు సంస్థలు ఈ ఫోన్లో కీలకమైన లావాదేవీలకు సంబంధించిన ఆధారాలు, ఫోటోలు, చాటింగ్లు, బ్యాంక్ లింకులు వంటి సమాచారముండే అవకాశం ఉందని భావిస్తున్నాయి. ఇప్పటికే సిట్కు పోలీసులు ఈ ఫోన్ను స్వాధీనం చేసుకుని ఫోరెన్సిక్ నిపుణుల సహకారంతో రేపు ఎఫ్ఎస్ఎల్ (Forensic Science Laboratory) లో అన్లాక్ చేయనున్నారు.
Cabinet Sub-Committee : ఏపీ సచివాలయ ఉద్యోగుల పదోన్నతులపై క్యాబినెట్ సబ్ కమిటీ ఏర్పాటు
లిక్కర్ స్కామ్ కేసు ఆరంభం నుంచి ఇప్పటివరకు విచారణలో అనేక మలుపులు తిరిగాయి. ప్రభుత్వ నిధులను వక్రీకరించి అక్రమంగా మద్యం కాంట్రాక్టులు, సప్లై కమీషన్లు, డబ్బు తరలింపులు జరిగినట్టు ACB విచారణలో తేలింది. ఈ వ్యవహారంలో వెంకటేశ్ నాయుడు ప్రధానంగా డబ్బు తరలింపులో కీలక పాత్ర పోషించాడని అధికారుల అనుమానం. అతడు నోట్ల కట్టలు లెక్కిస్తున్న వీడియో అప్పట్లో సోషల్ మీడియాలో వైరల్ కావడంతో కేసు దర్యాప్తు వేగం పెరిగింది. ఈ వీడియోలో కనిపించిన డబ్బు లిక్కర్ కాంట్రాక్టులకు సంబంధించినదేనని ACB అధికారులు చెబుతున్నారు.
ఇప్పుడీ ఫోన్ అన్లాక్తో కేసు దర్యాప్తులో కొత్త కోణాలు వెలుగులోకి వచ్చే అవకాశం ఉంది. ఫోన్లో లభించే కాల్ రికార్డులు, వాట్సాప్ చాట్స్, గూగుల్ పేమెంట్ హిస్టరీ వంటి వివరాలు ఇతర నిందితుల పాత్రను కూడా స్పష్టతచేయవచ్చు. ACB ఇప్పటికే లిక్కర్ స్కామ్ కేసులో పలువురు వ్యాపారులు, మధ్యవర్తులు, అధికారులను విచారించింది. వెంకటేశ్ ఫోన్లో లభించే సమాచారం ద్వారా ఈ దందాకు మద్దతుగా ఉన్న రాజకీయ, ఆర్థిక లింకులు బయటపడే అవకాశం ఉందని విచారణాధికారులు భావిస్తున్నారు. ఫోన్ డేటా విశ్లేషణ తర్వాత తదుపరి అరెస్టులు లేదా చార్జ్షీట్ దాఖలు చేసే దిశగా ప్రభుత్వం కదిలే అవకాశం ఉందని సమాచారం.