Richest CM’s : భారత రాజకీయాల్లో ముఖ్యమంత్రుల ఆస్తుల వివరాలు ఎప్పుడూ సామాన్య ప్రజల్లో ఎక్కువ ఆసక్తి రేకెత్తిస్తాయి. తాజాగా అసోసియేషన్ ఫర్ డెమోక్రటిక్ రిఫార్మ్స్ (ADR) ఒక నివేదిక విడుదల చేసింది, ఇందులో దేశంలోని అత్యంత సంపన్న , తక్కువ ఆస్తులు కలిగిన ముఖ్యమంత్రుల వివరాలు వెల్లడించబడ్డాయి. ఈ నివేదిక ప్రకారం, ఆంధ్రప్రదేశ్ ముఖ్యమంత్రి ఎన్. చంద్రబాబు నాయుడు దేశంలోనే అత్యంత ధనిక ముఖ్యమంత్రిగా నిలిచారు. మరోవైపు, పశ్చిమ బంగాల్ ముఖ్యమంత్రి మమతా బెనర్జీ అత్యంత తక్కువ ఆస్తులు కలిగిన సీఎంగా జాబితాలో చివరి స్థానంలో ఉన్నారు.
ఈ నివేదికకు ఆధారం ప్రధానంగా గత అసెంబ్లీ ఎన్నికల్లో ముఖ్యమంత్రిగా బాధ్యతలు చేపట్టిన అభ్యర్థులు దాఖలు చేసిన అఫిడవిట్లు. ఈ అఫిడవిట్లలో పేర్కొన్న ఆస్తుల వివరాలను ADR విశ్లేషించి, ప్రధానమంత్రి స్థాయిలోని ఆస్తుల జాబితాను రూపొందించింది. అగ్రస్థానంలో నిలిచిన చంద్రబాబు నాయుడు మొత్తం ఆస్తుల విలువ రూ. 931 కోట్లకు పైగా ఉన్నట్లు నమోదు అయింది. రెండో స్థానంలో అరుణాచల్ ప్రదేశ్ ముఖ్యమంత్రి పెమా ఖండూ, రూ. 332 కోట్లకు పైగా ఆస్తులతో ఉన్నారు. కర్ణాటక ముఖ్యమంత్రి సిద్దరామయ్య మూడో స్థానంలో నిలిచారు, ఆయన ఆస్తుల విలువ రూ. 51 కోట్లకు పైగా ఉంది.
Cloud Burst : ఉత్తరాఖండ్లో మరోసారి క్లౌడ్ బరస్ట్
ఇక అత్యల్ప ఆస్తుల కలిగిన ముఖ్యమంత్రుల జాబితా కూడా ఆసక్తికరంగా ఉంది. ఇందులో మొదటి స్థానంలో పశ్చిమ బంగాల్ ముఖ్యమంత్రి మమతా బెనర్జీ నిలిచారు. ఆమె మొత్తం ఆస్తుల విలువ కేవలం రూ. 15.38 లక్షలుగా మాత్రమే ఉంది, ఇది దేశంలోని అన్ని ముఖ్యమంత్రులలో అత్యల్పం. 2021 సెప్టెంబర్ 30న భొవానీపోర అసెంబ్లీ స్థానానికి జరిగిన ఉపఎన్నిక సందర్భంలో ఆమె దాఖలు చేసిన అఫిడవిట్ ఆధారంగా ఈ వివరాలు వెలువడ్డాయి. అలాగే, 2020-21 ఆదాయం పన్ను రిటర్న్స్లో కూడా ఆమె ఆస్తులను కేవలం రూ. 15.38 లక్షలుగా మాత్రమే చూపించారు.
రెండో స్థానంలో జమ్మూ-కశ్మీర్ ముఖ్యమంత్రి ఒమర్ అబ్దుల్లా ఉన్నారు. ఆయన ఆస్తుల మొత్తం విలువ రూ. 55.24 లక్షలకు పైగా ఉంది. అలాగే, కేరళ ముఖ్యమంత్రి పినరయి విజయన్ రూ. 1.18 కోట్ల ఆస్తులతో జాబితాలో ఉన్నారు. ADR నివేదికలో వెల్లడించబడిన సమాచారాన్ని సమీక్షిస్తే, దేశంలోని మొత్తం 31 మంది ముఖ్యమంత్రుల ఆస్తుల విలువ రూ. 1,630 కోట్లకు పైగా ఉంది. ఈ వివరాలు భారత రాజకీయాల్లో ధనికత, సామాజిక విభజనలపై ఒక ఆసక్తికరమైన దృష్టికోణాన్ని ఇస్తున్నాయి.
Gandhi Hospital: కడుపులో షేవింగ్ బ్లేడ్ ముక్కలు.. ఆపరేషన్ లేకుండా రోగిని కాపాడిన గాంధీ వైద్యులు