అమరావతి, అక్టోబర్ 24: Rain Alert, Low Pressure, Cyclone, Heavy Rains, AP Government, Disaster Management — ఈ పదాలు ఇప్పుడు ఆంధ్రప్రదేశ్ (Andhra Pradesh) అంతటా చర్చనీయాంశంగా మారాయి. బంగాళాఖాతంలో ఏర్పడిన అల్పపీడనం (Low Pressure) ఈ నెల 27న తుపానుగా (Cyclone) మారే అవకాశం ఉన్నందున రాష్ట్ర ప్రభుత్వం అప్రమత్తమైంది.
ఏపీ హోంమంత్రి వంగలపూడి అనిత (Home Minister Vangapudi Anitha) రాష్ట్ర సచివాలయంలో విపత్తుల నిర్వహణ సంస్థ ఎండీ ప్రఖర్ జైన్, ఈడీ దీపక్ తదితర అధికారులతో సమీక్షా సమావేశం నిర్వహించారు. ఈ సందర్భంగా ప్రఖర్ జైన్ మాట్లాడుతూ నైరుతి, పశ్చిమ-మధ్య బంగాళాఖాతంలో అల్పపీడనం బలపడుతోందని, రేపు (శనివారం) భారీ వర్షాలు, ఆదివారం అతి భారీ వర్షాలు, సోమ, మంగళవారాల్లో అత్యంత భారీ వర్షాలు పడే అవకాశం ఉందని తెలిపారు.
హోంమంత్రి అనిత అన్ని జిల్లాల కలెక్టర్లను అప్రమత్తం చేయాలని, తుపాను ప్రభావిత ప్రాంతాలను ముందుగానే గుర్తించి జాగ్రత్త చర్యలు చేపట్టాలని ఆదేశించారు. ఎస్డీఆర్ఎఫ్ (SDRF), ఎన్డీఆర్ఎఫ్ (NDRF) బృందాలను సిద్ధంగా ఉంచి అవసరమైన చోట్ల పంపించాలని సూచించారు. తుపాను తీవ్రత, వర్షాలపై సమాచారాన్ని ప్రజలకు నిరంతరం అందించాలని అధికారులను దిశానిర్దేశం చేశారు.
హోంమంత్రి అనిత ప్రజలను ఉద్దేశించి భారీవర్షాల సమయంలో ఇంట్లోనే సురక్షితంగా ఉండాలని, చెట్లు లేదా హోర్డింగ్స్ సమీపంలో ఉండవద్దని సూచించారు. విపత్తుల సంస్థ కంట్రోల్ రూమ్ టోల్ ఫ్రీ నంబర్లు 112, 1070, 18004250101 ద్వారా సహాయం పొందవచ్చని తెలిపారు.
ప్రాణ నష్టం జరగకుండా ముందస్తు చర్యలు తీసుకోవాలని, శిథిలావస్థలో ఉన్న ఇళ్లలో నివసిస్తున్నవారిని సురక్షిత ప్రాంతాలకు తరలించాలని ఆదేశించారు. అవసరమైతే ప్రజలను సహాయక శిబిరాలకు తరలించి, పునరావాస కేంద్రాల్లో నాణ్యమైన ఆహారం అందించాలని సూచించారు. విరిగిన చెట్లు తొలగించడం, విద్యుత్ సరఫరా పునరుద్ధరణ పనులు వేగంగా చేపట్టాలని ఆదేశించారు.
సోషల్ మీడియాలో వస్తున్న వదంతులను నమ్మొద్దని ప్రజలకు విజ్ఞప్తి చేశారు. అధికార యంత్రాంగం 24 గంటల కంట్రోల్ రూమ్లతో అప్రమత్తంగా ఉండాలని హోంమంత్రి వంగలపూడి అనిత దిశానిర్దేశం చేశారు.