ఆంధ్రప్రదేశ్ ప్రభుత్వం సామాజిక న్యాయం, సమాన అవకాశాల దిశగా మరో ముఖ్యమైన అడుగు వేసింది. రాష్ట్రంలోని దివ్యాంగులకు ఉచితంగా త్రిచక్ర వాహనాలను అందించేందుకు నిర్ణయం తీసుకుంది. శారీరక వైకల్యం కారణంగా చదువుకోడానికి, ఉద్యోగాలకు లేదా వ్యాపారానికి వెళ్లడంలో ఇబ్బందులు ఎదుర్కొంటున్న వారికి ఈ పథకం పెద్ద సహాయంగా మారనుంది. ముఖ్యంగా 70 శాతం లేదా అంతకంటే ఎక్కువ వైకల్యం ఉన్నవారికి ఈ మోటారైజ్డ్ త్రిచక్ర వాహనాలు ప్రయాణానికి ఎంతో ఉపయుక్తంగా ఉంటాయి. ప్రభుత్వం 100 శాతం సబ్సిడీతో వాహనాలను అందించనుండటంతో, లబ్ధిదారులపై ఎలాంటి ఆర్థిక భారం ఉండదు. ఈ పథకం ద్వారా విద్యార్థులు, స్వయం ఉపాధి దారులు, రైతులు మరియు చిన్న వ్యాపారులతో కూడిన దివ్యాంగులు స్వతంత్ర జీవనాన్ని గడపగలరనే నమ్మకాన్ని ప్రభుత్వం వ్యక్తం చేస్తోంది.
Garlic: రోజు పరగడుపున ఒక వెల్లుల్లి తింటే చాలు.. నెల రోజుల్లో కలిగే మార్పులు అస్సలు నమ్మలేరు!
ప్రభుత్వం ఈ పథకం కింద ప్రతి నియోజకవర్గానికి 10 త్రిచక్ర వాహనాలను కేటాయించింది. వీటిలో 50 శాతం వాహనాలు మహిళలకు కేటాయించడం ద్వారా మహిళా దివ్యాంగులకు ప్రత్యేక ప్రాధాన్యం ఇచ్చింది. ఒక్కో వాహనం విలువ రూ.1.30 లక్షలు కాగా, లబ్ధిదారులకు పూర్తిగా ఉచితంగా అందించనున్నారు. ఈ పథకానికి అర్హులు కావడానికి కొన్ని నిబంధనలు కూడా పెట్టారు. దరఖాస్తుదారులు 18 నుంచి 45 సంవత్సరాల మధ్య వయస్సు కలిగి ఉండాలి, 70 శాతం లేదా అంతకంటే ఎక్కువ శారీరక వైకల్యం ఉండాలి, వార్షిక కుటుంబ ఆదాయం రూ.3 లక్షల లోపు ఉండాలి. అలాగే డ్రైవింగ్ లైసెన్స్ కలిగి ఉండాలి మరియు ప్రభుత్వ లేదా ప్రైవేట్ సంస్థల ద్వారా ఇంతకు ముందు ఎలాంటి వాహనం పొందకూడదు. ఈ పథకానికి అర్హులైన వారు నవంబర్ 25లోగా https://apdascac.ap.gov.in అనే అధికారిక వెబ్సైట్లో దరఖాస్తు చేసుకోవాలి.
Karpooravalli: చలికాలంలో కర్పూరవల్లి తినడం వల్ల కలిగే లాభాల గురించి తెలిస్తే షాకవ్వాల్సిందే!
దరఖాస్తు ప్రక్రియలో అవసరమైన పత్రాలుగా ఆధార్ కార్డు, దివ్యాంగుల ధ్రువపత్రం, విద్యార్హతలు, ఆదాయ ధ్రువపత్రం, కుల ధ్రువపత్రం, పాస్పోర్ట్ సైజు ఫోటో, మరియు స్వీయ ధ్రువీకరణ పత్రాలను సమర్పించాల్సి ఉంటుంది. అధికారులు ఈ దరఖాస్తులను పరిశీలించి అర్హులైన వారికి త్రిచక్ర వాహనాలను కేటాయిస్తారు. ఈ పథకం జీవితంలో ఒక్కసారి మాత్రమే వర్తిస్తుంది కాబట్టి, ఇప్పటికే వాహనం పొందిన వారు తిరిగి అర్హులు కారు. అయితే గతంలో దరఖాస్తు చేసుకున్నా, వాహనం పొందని వారు ఈసారి మళ్లీ దరఖాస్తు చేసుకోవచ్చు. రాష్ట్రవ్యాప్తంగా వేలాది మంది దివ్యాంగులు ఈ పథకం ద్వారా ప్రయోజనం పొందే అవకాశం ఉంది. ఆర్థిక పరమైన అడ్డంకులు లేకుండా స్వయం ఉపాధిని కొనసాగించేలా, విద్యను పూర్తి చేసేలా ఈ పథకం దివ్యాంగుల జీవితంలో కొత్త వెలుగులు నింపనుంది.