CBN – Not Before Me : ఆంధ్రప్రదేశ్ స్కిల్ డెవలప్‌మెంట్ కార్పొరేషన్ కేసులో బెయిల్ కోసం టీడీపీ అధినేత చంద్రబాబునాయుడు దాఖలు చేసిన హౌస్ మోషన్ పిటిషన్‌పై ఏపీ హైకోర్టులో కీలక పరిణామం చోటుచేసుకుంది. శుక్రవారం ఈ పిటిషన్‌పై విచారణ జరగాల్సి ఉండగా .. ఏపీ హైకోర్టు వెకేషన్ బెంచ్‌లోని న్యాయమూర్తి జస్టిస్ వెంకట జ్యోతిర్మయి ప్రతాప్ బెంచ్ ముందుకు 8వ కేసుగా ఇది వెళ్లింది. అయితే ఈ కేసును విచారించేందుకు న్యాయమూర్తి సుముఖత చూపలేదు. ‘నాట్ బిఫోర్ మీ’ చెప్పారు. ఈ కేసుకు సంబంధించి తాను మరింత లోతుగా అధ్యయనం చేయాల్సి ఉన్నందున వేరే బెంచ్‌కు బదిలీ చేస్తున్నట్లు తెలిపారు. ఈ పిటిషన్‌కు సంబంధించిన విచారణ పిటిషన్‌ను హైకోర్టు చీఫ్ జస్టిస్ ముందు ఉంచాలని రిజిస్ట్రీని ఆదేశించారు. తదుపరి విచారణను ఈనెల 30కి వాయిదా(CBN – Not Before Me) వేశారు. దీనిపై హైకోర్టు చీఫ్ జస్టిస్ బెంచ్ ఈనెల 30న విచారణ జరిపే అవకాశం ఉంది.
We’re now on WhatsApp. Click to Join.
ఈ బెయిల్ పిటిషన్‌లో.. చంద్రబాబు నాయుడు రాజమండ్రి సెంట్రల్ జైలులో తీవ్ర అనారోగ్యంతో బాధపడుతున్నారని ఆయన తరఫు న్యాయవాదులు కోర్టుకు తెలిపారు. చంద్రబాబు స్కిన్, కంటి సమస్యలతో బాధపడుతున్నారని.. ఆపరేషన్ చేయాల్సి ఉందన్నారు. ఈ నేపథ్యంలో చంద్రబాబుకు 15 రోజులపాటు మధ్యంతర బెయిల్ మంజూరు చేయాలని ఈ పిటిషన్‌లో కోరారు.