విజయవాడలోని ఆంధ్రప్రదేశ్ పర్యాటక అభివృద్ధి సంస్థ (ఏపీటిడీసీ) డివిజనల్ కార్యాలయంలో చోటుచేసుకున్న ఓ ఘటన ప్రస్తుతం తీవ్ర చర్చనీయాంశంగా మారింది. ఆ కార్యాలయంలో కీలక పదవిలో ఉన్న ఓ ఉద్యోగి, ప్రతిరోజూ రాత్రి సమయంలో ఓ మహిళతో కలిసి కార్యాలయానికి వచ్చి, అక్కడ కొంతసేపు గడిపి తిరిగి వెళ్లిపోతున్నట్లు సీసీ ఫుటేజ్ లో తేలింది. ఈ విషయం సెక్యూరిటీ సిబ్బంది దృష్టికి వచ్చి ఉన్నతాధికారులకు సమాచారం అందించారు. దీంతో అధికారులు కార్యాలయ సీసీటీవీ ఫుటేజ్ను పరిశీలించగా, వారిద్దరూ కార్యాలయం లోపల ఏకాంతంగా గడుపుతున్న దృశ్యాలు అందులో నమోదయ్యాయి.
Water Attack : పాక్పై వాటర్ స్ట్రైక్.. బాగ్లిహార్ డ్యాం గేట్లు క్లోజ్
సాధారణంగా ప్రభుత్వ కార్యాలయాల్లో రాత్రివేళల్లో అనుమానాస్పదంగా ఎవరైనా తిరుగుతుంటే అధికారులు గమనించవలసిన అవసరం ఉంటుంది. అయితే, సంబంధిత ఉద్యోగి పర్యాటక శాఖకు చెందినవాడైనందున, సెక్యూరిటీ సిబ్బంది అతనిపై ప్రశ్నలు వేయాలన్న ధైర్యం చేయలేకపోయారు. కానీ సీసీటీవీ ఫుటేజ్ ద్వారా వాస్తవాలు వెలుగులోకి రావడంతో అధికారులు షాక్కు గురయ్యారు. పైగా తన వాట్సాప్ స్టేటస్లో ఆ మహిళతో సన్నిహితంగా ఉన్న ఫోటోను పెట్టడం వల్ల వ్యవహారం మరింత స్పష్టమైంది.
ఈ ఘటనపై సంబంధిత శాఖ అధికారులు తీవ్రంగా స్పందించారు. ప్రభుత్వ కార్యాలయాన్ని ఇటువంటి ప్రైవేట్ కార్యకలాపాలకు వేదిక చేసుకోవడం నైతికంగానే కాదు, న్యాయపరంగానూ తప్పు కాబట్టి, వెంటనే సమగ్ర విచారణకు ఆదేశించారు. ప్రస్తుతం ఆ ఉద్యోగిపై శాఖాపరమైన విచారణ కొనసాగుతోంది. ఘటనపై పూర్తి నివేదిక అనంతరం తీసుకునే చర్యలపై స్పష్టత వచ్చే అవకాశం ఉంది. ప్రజల ఆదరణ పొందిన పర్యాటక శాఖ కార్యాలయంలో ఇటువంటి ఘటనలు చోటుచేసుకోవడం దురదృష్టకరం అని పలువురు అభిప్రాయపడుతున్నారు.