గతంలో ‘మనసానమహ’ అని షార్ట్ ఫిలిం విడుదలైన సంగతి తెలిసిందే. ఇక దీనికి మంచి గుర్తింపు కూడా రాగా అందులో నటించిన నటీనటులకు కూడా మంచి పేరు అందింది. ఇక దీపక్ రెడ్డి అనే కుర్రాడు ఈ షార్ట్ ఫిలిం ను తీయగా ఇది ప్రపంచవ్యాప్తంగా ఎన్నో అవార్డులను సొంతం చేసుకుంది.
ఇప్పటివరకు ఈ షార్ట్ ఫిలిం కు 513 అవార్డులు వచ్చాయి. ఇక ఈ షార్ట్ ఫిలిం కు అత్యధిక అవార్డులు రావడంతో ఏకంగా గిన్నిస్ రికార్డు సొంతం చేసుకుంది. తాజాగా దీపక్ రెడ్డి తన ట్విట్టర్ లో గిన్నిస్ సర్టిఫికెట్ ఫోటోను కూడా షేర్ చేసుకున్నాడు.
అంతేకాకుండా ఈ షార్ట్ ఫిలిం కు పలువురు ప్రముఖుల నుంచి కూడా అభినందనలు వచ్చాయి. నటుడు అడవి శేషు, సుకుమార్ ఈ షార్ట్ ఫిలిం అందించిన దీపక్ రెడ్డి ని అభినందించారు. ఇక అడివి శేషు అతడిని నీవు ఫీచర్ ఫిల్మ్ తో ప్రపంచాన్ని షేక్ చేసే వరకు నేను వేచి చూడలేకపోతున్నాను అని అన్నాడు.