Case Under UAPA: పార్లమెంట్ హౌస్ భద్రత లోపం.. UAPA సెక్షన్ కింద కేసు నమోదు..? UAPA చట్టం అంటే ఏమిటి?

Resizeimagesize (1280 X 720)

Case Under UAPA: పార్లమెంట్ భద్రతా లోపానికి సంబంధించి కొత్త అప్‌డేట్ వచ్చింది. సమాచారం ప్రకారం.. ఈ కేసును దర్యాప్తు చేస్తున్న ఢిల్లీ పోలీసుల స్పెషల్ సెల్, ఈ కేసులో UAPA సెక్షన్‌ (Case Under UAPA)ను జోడించింది. ప్రస్తుతం స్పెషల్ సెల్ కేసు దర్యాప్తు ముమ్మరం చేసింది. బుధవారం జరిగిన ఘటన తర్వాత హోం మంత్రిత్వ శాఖ ఢిల్లీ పోలీసు స్పెషల్ సెల్‌కు దర్యాప్తును అప్పగించింది. ఈ ఘటనపై విపక్షాలన్నీ ఆందోళన వ్యక్తం చేస్తూ ప్రభుత్వం వెంటనే చర్యలు తీసుకోవాలని డిమాండ్ చేశాయి. ఆ తర్వాత లోక్‌సభ స్పీకర్ ఓం బిర్లా అన్ని పార్టీల ఫ్లోర్ లీడర్‌లతో సమావేశమయ్యారు. ఇందులో తక్షణమే అమలులోకి వచ్చేలా పలు చర్యలు తీసుకుంటున్నట్లు స్పీకర్ తెలియజేశారు.

పార్లమెంట్ హౌస్ భద్రత లోపానికి సంబంధించి ఢిల్లీ పోలీస్ స్పెషల్ సెల్ UAPA సెక్షన్ కింద కేసు నమోదు చేసింది. ఈ కేసులో మొత్తం ఆరుగురు నిందితులుగా ఉన్నారు. ఐదుగురిని గుర్తించారు. నలుగురిని అదుపులోకి తీసుకున్నారు. మిగిలిన ఇద్దరిని పట్టుకునేందుకు గాలింపు చర్యలు చేపట్టారు. ఢిల్లీ పోలీస్ స్పెషల్ సెల్ ఈ సమాచారాన్ని వెల్లడించింది.

We’re now on WhatsApp. Click to Join.

బుధవారం లోక్‌సభ కార్యకలాపాలు జరుగుతున్నప్పుడు ఇద్దరు యువకులు అకస్మాత్తుగా ప్రేక్షకుల గ్యాలరీ నుండి సభలోకి వచ్చి దాడి చేసిన సంగతి తెలిసిందే. ఇంతలో ఒక మహిళతో సహా ఇద్దరు వ్యక్తులు పార్లమెంటు వెలుపల పొగలు వ్యాపించి హంగామా సృష్టించారు. నలుగురు నిందితులను పోలీసులు పట్టుకున్నారు. ఈ విషయంపై లోక్‌సభలో ప్రతిపక్షాలు తీవ్ర ఆందోళన వ్యక్తం చేశాయి. దీనిపై లోక్‌సభ స్పీకర్ ఘటనను సమీక్షించి కట్టుదిట్టమైన భద్రతా చర్యలు తీసుకోవాలని ఆదేశించారు.

Also Read: Sri Lanka Selection Committee: శ్రీలంక క్రికెట్ బోర్డు కొత్త సెలక్షన్ కమిటీ ప్రకటన.. జట్టు సెలక్షన్ చైర్మన్‌గా ఎవరంటే..?

బుధవారం లోక్‌సభలోని ప్రేక్షకుల గ్యాలరీ నుంచి ఇద్దరు వ్యక్తులు దాడి చేయడంతో పార్లమెంట్ హౌస్ కాంప్లెక్స్‌లోకి ప్రేక్షకుల ప్రవేశాన్ని నిలిపివేశారు. బుధవారం చెల్లుబాటు అయ్యే సందర్శకుల పాస్‌లను కలిగి ఉన్న వ్యక్తులు సంఘటన తర్వాత రిసెప్షన్ ప్రాంతం నుండి వెనుదిరిగారు. ప్రేక్షకులు లేదా సందర్శకులపై ఆంక్షలు విధిస్తూ ఇప్పటి వరకు ఎలాంటి లిఖితపూర్వక ఆదేశాలు రాలేదని అధికారులు తెలిపారు.

UAPA చట్టం అంటే ఏమిటి?

చట్టవిరుద్ధ కార్యకలాపాల (నివారణ) చట్టం అంటే UAPA ఉగ్రవాద కార్యకలాపాలను అణిచివేసేందుకు తీసుకురాబడింది. UAPA ప్రకారం.. ఉగ్రవాదులు, ఉగ్రవాద కార్యకలాపాలకు పాల్పడినట్లు అనుమానిస్తున్న వ్యక్తులపై చర్యలు తీసుకుంటారు. UAPA ప్రకారం.. జాతీయ దర్యాప్తు సంస్థ అంటే NI అనుమానితుడు లేదా నిందితుడి ఆస్తిని స్వాధీనం చేసుకుని, జప్తు చేయవచ్చు.

1967లో UAPA తీసుకొచ్చారు. రాజ్యాంగంలోని ఆర్టికల్ 19(1) ప్రకారం మంజూరు చేయబడిన ప్రాథమిక హక్కులపై సహేతుకమైన పరిమితులను విధించేందుకు ఈ చట్టం ప్రవేశపెట్టబడింది. భారతదేశ సమగ్రత, సార్వభౌమత్వాన్ని సవాలు చేసే కార్యకలాపాలను ఆపడానికి ప్రభుత్వానికి మరిన్ని అధికారాలు ఇవ్వడం UAPA ఉద్దేశ్యం. ప్రత్యేక పరిస్థితుల్లో UAPAని అమలు చేయవచ్చు.