అపానవాయువు (Flatulence) దీని గురించి మనం పెద్దగా డిస్కస్ చేయం. ఎక్కువగా తెలుసుకునే ప్రయత్నం చేయం. వాస్తవానికి అపాన వాయువు కూడా మన ఆరోగ్యాన్ని బ్యాలెన్స్ గా ఉంచే ప్రయత్నం చేస్తుంది. రోజుకు 10 నుంచి 14 సార్లు అపాన వాయువు వదలడం ఆరోగ్యకరమేనని వైద్య నిపుణులు చెబుతున్నారు. రోజుకు 20 సార్లకు మించి ఆ వాయువు వస్తుంటే కనుక జీర్ణవ్యవస్థ అనారోగ్యం బారిన పడినట్లు అర్థం చేసుకోవాలి. మనం తినే ఆహారాలు, తాగే ద్రవాలను జీర్ణవ్యవస్థ జీర్ణం చేస్తుంది. వాటిల్లో ఉండే పోషకాలను గ్రహించి శరీరానికి అందేలా చేస్తుంది. జీర్ణక్రియలో భాగంగానే అప్పుడప్పుడు జీర్ణాశయం, పేగుల్లో గ్యాస్ ఉత్పత్తి అవుతుంది. ఆ గ్యాసే అపానవాయువు (Flatulence) రూపంలో బయటకు వస్తుంది.
పెద్ద పేగులలోని గట్ బ్యాక్టీరియా మనం తిన్న ఫుడ్ లోని ఫైబర్ను పులియబెట్టినప్పుడు గ్యాస్ రిలీజ్ అవుతుంది. ఇందులో హైడ్రోజన్, కార్బన్ డయాక్సైడ్ మరియు మీథేన్ వంటి వాయువులు ఉంటాయి. ఇదే అపాన వాయువు రూపంలో మనం రిలీజ్ చేస్తాం. నలుగురిలో ఉన్నప్పుడు అపాన వాయువు వదిలేందుకు చాలా మంది సిగ్గు పడుతుంటారు. కానీ అలా సిగ్గు పడాల్సిన పనిలేదు. ఎందుకంటే అది సహజసిద్ధమైన ప్రక్రియ. దీంతో మనకు ఆరోగ్యకరమైన ప్రయోజనాలు కలుగుతాయి. సాధారణంగా జీర్ణాశయంలో గ్యాస్ చేరడం వల్ల కడుపునొప్పి వస్తుంది. అయితే అపానవాయువును వదిలితే గ్యాస్ పోయి నొప్పి తగ్గుతుంది. ముఖ్యంగా అపానవాయువు రిలీజ్ అయితే మన బాడీలోని పెద్దపేగు క్లీన్ అవుతుంది. పెద్దపేగు చాలా ముఖ్యం, అందులోనే మన గట్ బాక్టీరియా ఉంటుంది. ఇది మనం తిన్న ఫుడ్ ను జీర్ణం చేయడంలో కీలక పాత్ర పోషిస్తుంది.
ఒకవేళ మీరు అపానవాయువును బయటికి వదలకుండా ఆపితే ఏమవుతుంది? అనేది ఇప్పుడు తెలుసుకుందాం. ఇలాంటప్పుడు గ్యాస్ మీ పెద్ద పేగులలోనే ఉండిపోతుంది. గట్ అనేది ఒక పొడవైన గొట్టం. దీనివల్ల మీ గ్యాస్ట్రో ఇంటెస్టినల్ ట్రాక్ట్ లో ప్రాబ్లమ్స్ వస్తాయి . ఇది మీ శరీరంలో ఉబ్బరం కలిగిస్తుంది. మీ బొడ్డు ప్రాంతం బెలూన్ లాగా ఉబ్బుతుంది. మీ గట్ గ్యాస్ తో ఉబ్బుతుంది. కడుపు నొప్పి కూడా వస్తుంది. మీరు అపుకున్న అపాన వాయువు నేరుగా గట్ నుంచి మీ ఊపిరితిత్తులకు ప్రయాణించ గలదు. మీరు ఆపేసిన అపాన వాయువులో కొంత భాగం గట్ గోడ ద్వారా మీ రక్తప్రవాహంలోకి శోషించబడుతుంది.
Also Read: Swiggy: స్విగ్గీ పార్శిల్లో నకిలీ రూ.2,000 నోట్లు చూసి షాక్ అయిన కస్టమర్లు