Tea Tips: టీ అతిగా తాగితే ఇబ్బందా? టీ తాగడానికి లిమిట్ ఉందా?

Tip’s for Drinking Tea : భారతదేశంలో అత్యంత ప్రజాదరణ పొందిన పానీయం టీ.. మీరు రోడ్డు పక్కన ఉన్న దాబాకు వెళ్లినా లేదా స్నేహితుల ఇంటికి వెళ్లినా ముందుగా అందించబడేది ఒక కప్పు టీ (Tea). లెక్కలేనంత మంది ప్రజలు తమ ఉదయాన్ని వేడివేడి టీతో ప్రారంభిస్తారు. సాయంత్రం, రాత్రి టైంలో కూడా చాలామంది టీ తాగుతారు. ఇది మిమ్మల్ని రిఫ్రెష్ చేస్తుంది. ఉపశమనం అందిస్తుంది.

రుచికరమైన భారతీయ స్నాక్స్‌కు సరైన జోడు చాయ్. అయితే విపరీతంగా టీని తాగొచ్చా ? తాగొద్దా ? అతిగా చాయ్ తాగితే ఏం అవుతుంది? దీనివల్ల దుష్ప్రభావాలు ఏమైనా కలుగుతాయా ? అనేది ఇప్పుడు తెలుసుకుందాం…

పాలీఫెనాల్స్:

చాయ్ అనేక రకాల ఆరోగ్య ప్రయోజనాలను అందిస్తుంది. హృదయ సంబంధ వ్యాధులు, కీళ్లనొప్పులు, మధుమేహం వంటి దీర్ఘకాలిక వ్యాధులకు కారణమయ్యే పాలీఫెనాల్స్ వంటివి టీలో ఉన్నాయి.

అధిక టీ (Tea) వినియోగం యొక్క 5 దుష్ప్రభావాలు ఇవీ..

ఆమ్లత్వం:

టీ అనేది ఆమ్ల స్వభావం కలిగి ఉంటుంది. అందుకే అధికంగా టీ తీసుకునేవారు ఎసిడిటీ లేదా గుండెల్లో మంట వంటి దుష్ప్రభావాలను అనుభవించ వచ్చు. టీలోని ఒక ప్రత్యేక భాగం సున్నితమైన జీర్ణవ్యవస్థ ఉన్నవారిలో యాసిడ్ రిఫ్లక్స్‌కు కారణమవుతుంది. కడుపులో ఇన్ఫెక్షన్‌తో బాధపడే వారు కూడా టీని అధికంగా తీసుకోవడం మానుకోవాలి.

డీహైడ్రేషన్:

టీలో కూడా కెఫిన్ జాడలు ఉన్నాయని చాలా మందికి తెలియదు. ఇది సహజమైన డీహైడ్రేటర్ అయిన సమ్మేళనం. దీనివల్ల డీ హైడ్రేషన్ కూడా రావచ్చు.

ఐరన్ శోషణ:

అధిక టీ వినియోగం మన శరీరం పోషకాలను గ్రహించడంలో ఆటంకం కలిగిస్తుంది. టీలో టానిన్లు పుష్కలంగా ఉంటాయి.  అందువల్ల ఐరన్ లోపం ఉంటే.. మీరు టీని మితంగా తినాలి.

ఒత్తిడి లేదా నిద్ర లేకపోవడం:

అధిక టీ తాగడం అనేది శరీరంలో ఒత్తిడి స్థాయిలను పెంచుతుంది. టీ బాగా తాగితే నిద్ర లేకపోవడానికి లేదా ఆందోళనకు కారణం కావచ్చు. టీలోని కెఫిన్ కంటెంట్ మన శరీరంలో చురుకుదనాన్ని యాక్టివేట్ చేస్తుంది. మీరు ఒత్తిడికి లోనవుతున్నట్లయితే లేదా నిద్రపోవడంలో ఇబ్బందిని ఎదుర్కొంటున్నట్లయితే, టీ వినియోగాన్ని తగ్గించండి.

మైకము:

ఎక్కువ మోతాదులో కెఫీన్ తీసుకోవడం వల్ల మైకము వస్తుంది. అందుకే టీ తాగడం తగ్గించండి. తద్వారా మీరు కెఫిన్ గుప్పిట్లోకి వెళ్లకుండా ఉంటారు.

ఎంత టీ (Tea) తాగితే మంచిది?

తక్కువ పరిమాణంలో టీ తాగితే ఆరోగ్యానికి మంచిదని అధ్యయనాలు చెబుతున్నాయి.  హార్వర్డ్ అధ్యయనం ప్రకారం.. రోజుకు 3 నుంచి 4 కప్పుల టీ తాగొచ్చు. ఇది పెద్ద దుష్ప్ర భావాలకు కారణం కాదు. మీరు ఏదైనా తీవ్రమైన ఆరోగ్య సమస్యలను ఎదుర్కొంటు న్నట్లయితే వైద్యుడిని సంప్రదించడం మంచిది.

అతిగా టీ (Tea) తాగటం వల్ల వచ్చే సమస్యలు

కిడ్నీలో రాళ్ల సమస్యకు టీ ఒక కారణమని పలు పరిశోధనల్లో తేలింది. రోజుకు ఐదు కప్పుల కంటే ఎక్కువ టీ తాగితే ప్రొస్టేట్ క్యాన్సర్ బారిన పడే అవకాశం ఉంటుంది. మోతాదుకు మించి తాగితే.. ఎముకల పటుత్వంలో సమస్యలు వస్తాయి. ఎముక తొందరగా అరిగిపోతుంది. గుండె కొట్టుకునే వేగం పెరుగుతుంది. శరీరంలోని ఐరన్ పై ప్రభావం చూపిస్తుంది. టీ తాగడం వల్ల ఎసిడిటీ పెరుగుతుంది. జీర్ణవ్యవస్థ దెబ్బతింటుంది. పన్నెండు ఏండ్లలోపు పిల్లలకు అ్సలు టీ తాగించకూడదు. ఇందులోని కెఫిన్ పిల్లల శరీరంలో నిల్వ ఉండే పోషకాలను నాశనం చేస్తుంది. రక్తపోటు ఉన్నవారు టీకి దూరంగా ఉండాలి.

Also Read:  Itching in the Armpit: చంకలో దురద ప్రమాదకరం.. ప్రాణాంతక వ్యాధికి సంకేతం