IT Crisis Microsoft : 10వేల మంది ఉద్యోగుల‌పై మైక్రోసాఫ్ట్ వేటు? టెక్కీల‌కు క‌ష్టాలు!

Microsoft

ప్రపంచవ్యాప్తంగా సగటున రోజుకు 1,600 మందికి పైగా సాఫ్ట్ వేర్ ఉద్యోగులు ( IT Crisis Microsoft ) రోడ్డు ప‌డుతున్నారు. ప్రస్తుతం మాంద్యం భయాలు అల్లుకుంటోన్న వేళ‌ తొలగింపు వేగం పెరిగింది. గ‌త ఏడాది కంటే ఎక్కువ‌గా ఉద్యోగాలు(tech) ఊడిపోతున్నాయ‌ని Layoffs.fyi సైట్ షాకింగ్ నిజాల‌ను బ‌య‌ట పెట్టింది. గ‌త ఏడాది (2022)లో దాదాపు 1000 కంపెనీలు 1,54,336 మంది ఉద్యోగులను తొలగించాయ‌ని లెక్కించింది. ఇప్పుడు ఆ సంఖ్య మ‌రింత పెరుగుతుంద‌ని అంచ‌నా వేస్తోంది. తాజా నివేదికల ప్రకారం, టెక్ దిగ్గ‌జం మైక్రోసాఫ్ట్ 10వేల మంది ఉద్యోగుల‌ను తొల‌గించ‌బోతుంద‌ని న్యూస్ వైర‌ల్ అవుతోంది. ఆ విష‌యాన్ని బ్లూమ్‌బెర్గ్ న్యూస్ నివేదించింది. అయితే, కంపెనీ మాత్రం ధ్రువీక‌రించ‌డంలేదు.

రోజుకు 1,600 మందికి పైగా సాఫ్ట్ వేర్ ఉద్యోగులు ( IT Crisis Microsoft )

ప్ర‌స్తుతం మైక్రో సాఫ్ట్  (IT Crisis Microsoft ) ప్ర‌పంచ వ్యాప్తంగా 2,20,000 కంటే ఎక్కువ మంది ఉద్యోగులు ఉన్నారు. గత ఏడాది రెండుసార్లు ఉద్యోగుల ర్యాంక్‌లను తగ్గించింది. గ‌త కొన్ని వారాలుగా స్టాల్వార్ట్స్ సేల్స్‌ఫోర్స్ , అమెజాన్ పెద్ద సంఖ్య‌లో ఉద్యోగుల‌ను తొల‌గించాయి. టెక్ సెక్టార్‌లో మరో 5 నుండి 10 శాతం ఉద్యోగుల‌ను తొల‌గిస్తార‌ని వివిధ పోర్ట‌ళ్లు అంచ‌నా వేస్తున్నాయి. కంపెనీల్లో చాలా వరకు 1980లో రాక్ స్టార్స్ లాగా డబ్బు ఖర్చు చేస్తున్నాయి. ఇప్పుడు ఖర్చు నియంత్రణలను పాలించాల్సిన అవసరం ఏర్ప‌డింది.

Also Read : Microsoft to Netflix: టెక్ కంపెనీల్లో.. ఉద్యోగుల ఊస్టింగ్!!

సుమారు 18వేల‌కు పైగా ఉద్యోగాలను(tech) తగ్గించాలని అమెజాన్ జనవరి ప్రారంభంలో ప్రకటించింది. ఫేస్‌బుక్-యజమాని మెటా వంటి దిగ్గజాలతో సహా తొలగింపుల వేగాన్ని పెంచాయి. అమెజాన్ తొలగింపులు యూరప్‌లో ఉంటాయని, సిబ్బందికి ఒక ప్రకటనలో CEO ఆండీ జాస్సీ ప్ర‌క‌టించారు. నవంబర్‌లో 11వేల ఉద్యోగాలు (దాదాపు 13 శాతం) మంది ఉద్యోగులను తొలగించిన‌ట్టు Meta ప్రకటించింది. ఆగస్ట్ చివరి నాటికి, Snapchat దాని ఉద్యోగులలో దాదాపు 20 శాతం మందిని (దాదాపు 1,200 మందిని) తొల‌గించింది. IT గ్రూప్ సేల్స్‌ఫోర్స్ తన ఉద్యోగులలో 10 శాతం మందిని( 8,000 కంటే తక్కువ మంది) ఉద్యోగులను తొలగిస్తున్నట్లు ప్రకటించింది. సోషల్ మీడియా ప్లాట్‌ఫారమ్‌లోని 7,500 మంది ఉద్యోగులలో సగం మందిని వెంటనే ట్విట్ట‌ర్ సీఈవో తొలగించాడు. ఆయన పాలసీ మార్పులకు నిరసనగా మరికొందరు గుర్తు తెలియని వ్యక్తులు రాజీనామా చేశారు.

బ్యాడ్ 2023..

తాజాగా షేర్‌చాట్ సంస్థ సైతం 20 శాతం మంది ఉద్యోగులను తొలగించింది. దీనివల్ల 500 మంది ఉద్యోగాలు కోల్పోయారు. ట్విట్టర్, గూగుల్, స్నాప్, టైగర్ గ్లోబల్ కంపెనీల సహకారంతో ShareChat వ్యాపారాన్ని నిర్వహిస్తోంది. ఈ కంపెనీలో దాదాపు 2,300 మంది ఉద్యోగులను కలిగి ఉంది. 2022 డిసెంబర్ మాసంలో Jeet11 అనే ఫాంటసీ స్పోర్ట్స్ ప్లాట్‌ఫారమ్‌ను షేర్ చాట్ మూసివేసింది. ఓలా కూడా 200 మంది ఉద్యోగులను తొలగించింది. అలాగే వాయిస్ ఆటోమేషన్ స్టార్టప్ Skit.ai వంటి కంపెనీలు సైతం ఉద్యోగులను తొలగించాయి. కిరాణా డెలివరీ ప్రొవైడర్ Dunzo ఖర్చు తగ్గింపు చర్యల్లో భాగంగా 3 శాతం ఉద్యోగులను తొలగించింది.

Also Read : Microsoft & Netflix : నెట్‌ఫ్లిక్స్‌ కంపెనీ ని కొనబోతున్న మైక్రోసాఫ్ట్..!

ప్రపంచవ్యాప్తంగా సాఫ్ట్ వేర్ ఉద్యోగుల‌కు 2023 చేదు అనుభ‌వాల‌తో ప్రారంభమైంది. దాదాపుగా 91 కంపెనీలు కొత్త ఏడాది మొదటి 15 రోజుల్లో 24వేల‌కు పైగా ఉద్యోగులను తొల‌గించాయి. ఈ గడ్డు పరిస్థితుల్లో లింక్డ్‌ఇన్ ద్వారా స్నేహితులు, సహ ఉద్యోగులను సహాయం కోరుతున్నారు. 2022లో ప్రపంచవ్యాప్తంగా గూగుల్ ప్లే స్టోర్, యాపిల్ యాప్ స్టోర్ల నుంచి లింక్డ్‌ఇన్ యాప్ ను 58.4 మిలియన్ల మంది డౌన్ లోడ్ చేసుకున్నారు. ఒక వేళ మైక్రోసాఫ్ట్ ఉద్యోగుల‌ను తొల‌గిస్తే భారీగా మిగిలిన కంపెనీలు కూడా తొల‌గించే అవ‌కాశం ఉంది. ఫ‌లితంగా సాఫ్ట్ వేర్ రంగం ఈ ఏడాది సంక్షోభంలోకి వెళ్ల‌నుంద‌ని నిపుణుల అంచ‌నా.