Nightmares : రాత్రివేళ నిద్రలో చాలామందికి కలలు వస్తుంటాయి. కొంతమందికి పీడకలలు వస్తుంటాయి. పీడకలల వల్ల సరిగ్గా నిద్రపట్టక పలువురు సతమతం అవుతుంటారు. నిద్ర సరిగ్గా లేకపోతే ఆరోగ్యం దెబ్బతింటుంది. మన బాడీ మన కంట్రోల్‌లో ఉండదు. మెదడు సరిగ్గా పనిచేయదు. నిద్రలేమి వల్ల.. జీవితం గడపడానికి అత్యంత కీలకమైన పనులను చేయలేక మనం చతికిలపడే రిస్క్ ఉంటుంది. ఇంత పెద్ద రిస్కుకు దారితీసే పీడకలల సమస్యకు పరిష్కారం ఏమిటి ? అసలు పీడకలలు(Nightmares) ఎందుకు వస్తాయి ?
We’re now on WhatsApp. Click to Join
మాటిమాటికి పీడకలలు వచ్చే కండిషన్‌ను నైట్‌మేర్‌ డిజార్డర్ అంటారు. ట్రామా, పోస్ట్ ట్రామాటిక్ స్ట్రెస్ డిజార్డర్ (PTSD)తో బాధపడుతున్న వ్యక్తులు కూడా తరచుగా పీడకలలను అనుభవిస్తుంటారు. పీడకలలు రావడానికి అత్యంత సాధారణ కారణాలు ఒత్తిడి, ఆందోళన. ప్రతికూల ఆలోచనలు మనసులో ఓవర్‌లోడ్‌ అయినప్పుడు.. మనకు నిద్ర సరిగ్గా పట్టదు. ఈక్రమంలోనే రాత్రిపూట భయపెట్టే కలలు వస్తుంటాయి. పీడకలల వల్ల ఒత్తిడి పెరిగి మన శరీరం నుంచి కార్టిసాల్ అడ్రినలిన్ వంటి ఒత్తిడి హార్మోన్లు విడుదల అవుతాయి. ఇవి రిలీజ్ అయితే పీడకలలు మరింత పెరుగుతాయి. పీడకలల సమస్యను తీర్చుకునేందుకు మన జ్యోతిష, వాస్తు శాస్త్రాల్లో పరిష్కారాలు ఉన్నాయని పండితులు చెబుతున్నారు. ఇంతకీ అవేమిటో చూద్దాం..
Also Read :Gold Reserves : ఓ వైపు యుద్ధాలు.. మరోవైపు గోల్డ్ రిజర్వులు.. ఏం జరుగుతోంది ?
- మీ పడక గదిలో ఏ దిక్కున బెడ్ ఉంది ? మంచం పరిసరాల్లో ఎలాంటి వస్తువులు ఉన్నాయి ? అనే అంశాలు మన నిద్రపై ఎఫెక్టు చూపిస్తాయి.
- పటిక పాజిటివిటీకి సంకేతం. పటిక ముక్కను దిండు కింద లేదా మంచి పక్కన ఉంచుకుంటే పీడకలలు రావు. ఇలా వారం పాటు చేశాక పటిక ముక్కను కాల్చెయ్యాలి.
- ఇంటిని తుడిచేందుకు ఉపయోగించే నీటిలో గుప్పెడు ఉప్పు కలిపితే పీడకలలు రావు.
- పీడ కలలు వేధిస్తున్న వారు పడకగది పరదాలు, దుప్పట్లు లేత నీలం రంగువి వాడాలి. వీటి వల్ల బెడ్ రూంలో ఎనర్జీ బ్యాలెన్స్ అవుతుంది.
- ఒక రాగి పాత్రను మంచం దగ్గరగా పెట్టుకుంటే పీడకలలు తగ్గుతాయి.
- ఏదైనా రాగి ఆభరణం, ఉంగరం, కడియం వంటిది ధరించినా పీడకలలు తగ్గుతాయి.
- మీరు నిద్రపోయేటప్పుడు తలను తూర్పు లేదా ఉత్తర దిశల్లో ఉంచాలి.
- నిద్రకు ఉపక్రమించే ముందు పాదాలను గోరువెచ్చని నీటితో కడుక్కోవాలి. నుదుటిపై కొబ్బరి నీళ్లు రాసుకోవాలి.