తెలంగాణ రాష్ట్రంలో ఇవాళ, రేపు పలు చోట్ల పిడుగులతో కూడిన మోస్తరు వర్షాలు కురుస్తాయని వాతావరణ శాఖ పేర్కొంది. ఆదిలాబాద్, ఆసిఫాబాద్, మంచిర్యాల, భూపాలపల్లి, ములుగు, భద్రాద్రి కొత్తగూడెం, ఖమ్మం జిల్లాల్లో బలమైన ఈదురుగాలులతో వర్షాలు కురుస్తాయంది. కాగా నిన్న రాష్ట్రంలో విస్తారంగా వర్షాలు కురిశాయి. అత్యధికంగా వికారాబాద్లోని తాండూరులో 5.1 సెం.మీ, నిజామాబాద్ లోని పొతంగల్లో లో 4.8 సెం.మీ.ల వర్షపాతం నమోదైంది.
We’re now on WhatsApp. Click to Join.
రాష్ట్రంలో ఆదివారం సాయంత్రం ఓ మోస్తరు నుంచి భారీ వర్షాలు కురిశాయి. నగరంలోని పశ్చిమ హైదరాబాద్‌లోని మియాపూర్, కూకట్‌పల్లి, మాదాపూర్, గచ్చిబౌలి, హైటెక్ సిటీ, కొండాపూర్, రాయదుర్గం, షేక్‌పేట్, టోలీచౌకి, జూబ్లీహిల్స్, బంజారాహిల్స్, పంజాగుట్ట, బేగంపేట, మెహదీపట్నం, రాజేంద్రనగర్, ఓల్డ్ సిటీ ప్రాంతాలు, సికింద్రాబాద్, ఉప్పల్, నాగోల్, దిల్ సుఖ్ నగర్, తిరుమలగిరి తదితర ప్రాంతాల్లో భారీ వర్షం కురిసింది.
టీజీడీపీఎస్‌ ప్రకారం రాష్ట్రవ్యాప్తంగా అత్యధికంగా వికారాబాద్‌లో 51.3 మిల్లీమీటర్లు, నిర్మల్, నిజామాబాద్‌లో 46.3 మిల్లీమీటర్లు, ఖమ్మంలో 36.5 మిల్లీమీటర్ల వర్షపాతం నమోదైంది. నగరంలో అత్యధికంగా బేగంపేటలో 15.3 మి.మీ, జూబ్లీహిల్స్‌లో 14.5, మల్కాజిగిరిలో 11.8 మి.మీ వర్షపాతం నమోదైంది.
వికారాబాద్‌, నిర్మల్, సిద్దిపేట, రంగారెడ్డి, నారాయణపేట, మహబూబ్‌నగర్‌, నిజామాబాద్ తదితర జిల్లాల్లో ఉరుములతో కూడిన తేలికపాటి నుంచి మోస్తరు వర్షాలు కురిశాయి.
తెలంగాణలోని పలు ప్రాంతాల్లో గంటకు 30-40 కి.మీ వేగంతో ఉపరితల గాలులతో తేలికపాటి నుండి మోస్తరు వర్షాలు లేదా ఉరుములతో కూడిన జల్లులు కురిసే అవకాశం ఉన్నందున రాబోయే మూడు రోజుల పాటు ఎల్లో అలర్ట్ జారీ చేయబడింది.
Read Also : Satydev : సత్యదేవ్ బ్రాండ్ అంబాసడర్ గా.. విజయ్ దేవరకొండ గెస్ట్ గా..