Supreme Court:చ‌రిత్ర సృష్టించిన `సుప్రీం`, ఒకేరోజు 13వేల 147కేసులు క్లోజ్

Supreme Court

ఒకే ఒక దెబ్బ‌కు 13వేలా 147 కేసుల‌ను సుప్రీం కోర్టు చెత్త‌బుట్ట‌లో ప‌డేసింది. ద‌శాబ్దం క్రితం దాఖ‌లైన కేసులు కూడా వీటిలో ఉన్నాయి. ఆ మేర‌కు రిజిస్ట్రార్ జ్యుడీషియల్-1 చిరాగ్ భాను సింగ్ ఉత్తర్వు జారీ చేశారు. ఎనిమిదేళ్ల క్రితం దాఖలు చేసిన కేసుల‌కు సంబంధించి రిజిస్ట్రీకి వ్య‌క్తం చేసిన‌ ప్రాథ‌మిక అభ్యంత‌రాల‌ను న్యాయవాదిగానీ, పిటిషనర్లుగానీ తెలియ‌చేయ‌లేదు. దీంతో వాటిని ప‌రిశీలించిన సుప్రీం కోర్టు ఒకేసారి బుట్ట‌దాఖ‌లు చేయ‌డం సుప్రీం చ‌రిత్ర‌లో ఇది మొద‌టిసారి కావ‌డం విశేషం.

ఈ కేసులు 2014 సంవత్సరానికి ముందు నెంబ‌ర్ల‌ను పొందాయి. వాటిలో ఒక కేసు 1987లో దాఖలైన ఉంది. సుప్రీంకోర్టు వెబ్‌సైట్‌లో అప్‌లోడ్ చేసిన డేటా ప్రకారం, సెప్టెంబర్ 1, 2022 నాటికి 70,310 పెండిగ్ కేసులు ఉన్నాయి. వీటిలో 51,839 ఇతర విషయాలు ఉండ‌గా, 18,471 సాధారణ విచారణకు సంబంధించినవి ఉన్నాయ‌ని తేలింది. .
బుట్ట‌దాఖ‌లు చేసిన ఈ 13,147 నమోదుకాని కేసులు 2014 సంవత్సరానికి ముందు నమోదయ్యాయి. ఖచ్చితంగా చెప్పాలంటే ఆగస్టు 19, 2014కి ముందు ఈ కేసులు దాఖలు చేయబడ్డాయి. సాధార‌ణంగా నోటిఫై చేయబడిన లోపాలకు స‌మాధానం వ‌చ్చిన త‌రువాత మాత్రమే న్యాయవాది పూర్తి సెట్‌ను దాఖలు చేస్తారు. ఆగష్టు 19, 2014 తర్వాత మాత్రమే రిజిస్ట్రీ వద్ద ప్లెయింట్ , కోర్టు ఫీజు స్టాంపుల ఒక కాపీని ఉంచుకునే నిబంధన చేయబడింది. పాత నిబంధనల ప్రకారం, సంబంధిత పార్టీలు లోపాలను 28 రోజుల్లోగా పరిష్కరించాలి, దానిని 90 రోజుల వరకు పొడిగించారు.

అలా నోటిఫై చేయబడిన లోపాలను సంబంధిత న్యాయ‌వాది, పిటిష‌న‌ర్లు సంవత్సరాల తరబడి ఎటువంటి స‌మాధానం ఇవ్వ‌లేదు. దీంతో చట్టబద్ధమైన కాలం ముగిసింది. సెప్టెంబర్ 1, 2022 నాటికి అత్యున్నత న్యాయస్థానంలో పెండింగ్‌లో ఉన్న 70,310 కేసుల్లో 17.28 శాతం లేదా 12, 092 కేసులు అసంపూర్ణమైన లేదా సిద్ధంగా లేని మరియు ప్రిలిమినరీలను పూర్తి చేయాల్సిన ఇతర అంశాలు. వివిధ రాజ్యాంగ ధర్మాసనాల ముందు 493 అంశాలు ఉన్నాయని డేటా చూపించింది. వీటిలో 343 ఐదుగురు న్యాయమూర్తుల బెంచ్‌ల ముందు పెండింగ్‌లో ఉన్నాయి. 15 ఏడుగురు న్యాయమూర్తుల బెంచ్‌లు, 135 కేసులు తొమ్మిది మంది న్యాయమూర్తుల రాజ్యాంగ ధర్మాసనాలు విచారించవలసి ఉంది.

ఆగస్టు 27న భారత 49వ ప్రధాన న్యాయమూర్తిగా బాధ్యతలు స్వీకరించిన జస్టిస్ యు యు లలిత్, పెండింగ్‌లో ఉన్న కేసులను క్లియర్ చేయడంపై ప్రత్యేక దృష్టి సారించారు. ఆయన ఆధ్వర్యంలో సుప్రీంకోర్టు కేసులను జాబితా చేసే కొత్త విధానాన్ని అవలంబించింది. సుప్రీంకోర్టు బార్ అసోసియేషన్ తన సత్కారానికి స్పందిస్తూ, జస్టిస్ లలిత్ మాట్లాడుతూ, కొత్త వ్యవస్థను ప్రారంభించిన ఆగస్టు 29 నుండి, సెప్టెంబర్ 14 వరకు, 1135 తాజా దాఖలాలకు గాను 5,200 కేసులు అత్యున్నత న్యాయస్థానంలో పరిష్కరించబడ్డాయ‌ని అన్నారు.