ప్రతి నెలా సంపాదించే డబ్బులు నెలవారీ ఖర్చులకే సరిపోతాయి. ఇక డ బ్బులు మిగిల్చడం అంటే కష్టమే. అందుకే ప్రతి నెలా కొంత మొత్తాన్ని పొందుపు చేయాలి. ఎంత కష్టంగా ఉన్నా కూడా ప్రతి రోజూ చిన్న మొత్తంలో అయినా డబ్బులు పొందుపు చేస్తూ వెళ్లాలి. అప్పుడే దీర్ఘకాలంలో మంచి రాబడిని సొంతం చేసుకోవచ్చు. ఒకేసారి భారీ మొత్తం పొందొచ్చు.

డబ్బులు ఇన్వెస్ట్ చేయడానికి చాలా ఆప్షన్లు అందుబాటులో ఉంటాయి. మీరు రిస్క్ తీసుకునే అంశం ప్రాతిపదికన మీ ఇన్వెస్ట్‌మెంట్ లక్ష్యం, వచ్చే రాబడి వంటి అంశాలు ఆధారపడి ఉంటాయి. అందుకే డబ్బులు ఇన్వెస్ట్ చేసేటప్పుడు ఒకటికి రెండుసార్లు ఆలోచించాలి. దీర్ఘకాల ఆర్థిక లక్ష్యాలను నిర్దేశించుకోవాలి. వీటికి అనుగుణంగా డబ్బులు ఇన్వెస్ట్ చేయాలి.

రిస్క్ తీసుకోవడానికి ఇష్టపడే వారు నేరుగా స్టాక్ మార్కెట్‌లో డబ్బులు పెట్టొచ్చు. లేదంటే మ్యూచువల్ ఫండ్స్‌లో పెట్టుబడి పెట్టొచ్చు. మ్యూచువల్ ఫండ్స్‌లో దీర్ఘకాలంలో ఇన్వెస్ట్ చేయడం ద్వారా మంచి రాబడి పొందొచ్చని నిపుణులు పేర్కొంటుంటారు. సిప్ రూపంలో డబ్బులు ఇన్వెస్ట్ చేస్తే కాంపౌండింగ్ ప్రయోజనాలు కూడా లభిస్తాయి. అందుకే ప్రతి నెలా కొంత మొత్తాన్ని మ్యూచువల్ ఫండ్స్‌లో సిప్ చేయొచ్చు.

రోజుకు రూ.10 పొదుపు చేసినా చాలు.. దీర్ఘకాలంలో ఏకంగా రూ.10 లక్షలు పొందొచ్చు. ఎలా అని అనుకుంటున్నారా? అయితే మీరు ఈ విషయం తెలుసుకోవాల్సిందే. రోజుకు రూ.10 అంటే నెలకు రూ.300 ప్రతి నెలా మ్యూచువల్ ఫండ్స్‌లో సిప్ చేయాలి. ఇలా మీరు 30 ఏళ్లు ఇన్వెస్ట్ చేస్తూనే వెళ్లాలి. ఇలా చేస్తే మెచ్యూరిటీ సమయంలో ఏకంగా రూ.10 లక్షలు పొందొచ్చు. ఇక్కడ 12 శాతం వార్షిక రాబడిని పరిగణలోకి తీసుకున్నాం.

డెలీ సిప్, వీక్లి సిప్, మంత్లీ సిప్ అనే ఆప్షన్లు అందుబాటులో ఉంటాయి. మీరు మీకు నచ్చిన ఆప్షన్ ఎంచుకోవచ్చు. మీకు డబ్బులు ఎలా వస్తాయనే అంశం ప్రాతిపదికన సిప్ ఆప్షన్ ఎంచుకోవడం ఉత్తమం. వీధి వ్యాపారులు, కూలీలు డైలీ సిప్, జాబ్ చేసే వారు మంత్లీ సిప్ ఎంచుకోవడం వల్ల ఎలాంటి ఇబ్బందులు ఉండవు. బిజినెస్ చేసే వారు వీక్లి సిప్ ఆప్షన్ ఎంచుకోవచ్చు. ఇలా అవసరాలకు అనుగుణంగా సిప్ చేస్తూ వెళ్లాలి.