కేంద్ర ప్రభుత్వ ఆదేశాల ప్రకారం ఒక ఆధార్ కార్డ్పై గరిష్ఠంగా 9 సిమ్ కార్డులను తీసుకోవచ్చు. కానీ కొంతమందికి తెలియకుండానే వారి ఆధార్ కార్డ్ పై వేరొకరు సిమ్ తీసుకుని ఉపయోగిస్తుంటారు. అలాంటివి దేశ భద్రతకే ప్రమాదం అని భావించిన కేంద్రం వాటికి చెక్ పెట్టేందుకు ఓ వెబ్ సైట్ ను తీసుకువచ్చింది.
ఈ పోర్ట‌ల్ ద్వారా సదరు వ్యక్తి తన ఆధార్ కార్డుపై ఎన్ని మొబైల్ నంబర్లు ప్రస్తుతం పనిచేస్తున్నాయో.. తెలుసుకోవడమే గాక వినియోగంలో లేని వాటిని కూడా గుర్తించవచ్చు. వాటిని గాని ఆ వ్యక్తి ఉపయోగించకపోతే వెంటనే వాటిని టెలి కమ్యూనికేషన్ విభాగానికి రిపోర్ట్ చేసే సౌకర్యాన్ని కూడా అందుబాటులోకి తెచ్చింది.
ముందుగా టెలికాం అనలిటిక్స్ ఫర్ ఫ్రాడ్ మేనేజ్ మెంట్ అండ్ కన్ స్యూమర్ ప్రొటెక్షన్ వెబ్ సైట్ https://tafcop.dgtelecom.gov.in/ ఓపెన్చే యాలి.
ఎంటర్ మొబైల్ నంబర్ అనే దానిపై క్లిక్ చేసి మీ మొబైల్ నంబర్ ను అందులో ఎంటర్ చేయాలి. తరువాత అక్కడ ఉన్న రిక్వెస్ట్ ఓటీపీ మీద క్లిక్ చేయాలి.వచ్చిన ఓటీపీని దానిలో ఎంటర్ చేయాలి.
ఓటీపీ ఎంటర్చే స్తే మీరు సైట్లో కి లాగ్ ఇన్ అవుతారు. తరువాత మీ ఆధార్ కార్డ్ పై లింక్ అయ్యి ఎన్ని మొబైల్ నంబర్లు ఉన్నాయో సైట్ లో చూపిస్తుంది. దానికి కింద పేర్కొన్న విధంగా మీరు తెలియకుండా ఉపయోగించే మొబైల్ నెంబర్ పక్కన ఉన్న చెక్బా క్స్ పై క్లిక్ చేసి దిస్ ఈజ్ నాట్ మై నంబర్ పై Click చేయాలి.
అనంతరం ఎంచుకున్న మొబైల్ నంబర్ ను రిపోర్ట్ చేస్తే.. మీ దరఖాస్తును పరిశీలించి టెలికమ్యునికేషన్ విభాగం నిర్ణయం తీసుకుంటుంది