World Backup Day 2024 : డిజిటల్ యుగమిది. కంప్యూటర్లు, ల్యాప్టాప్లు, సెల్ఫోన్లు, ట్యాబ్లు ఇలా ప్రతీ డివైజ్లోనూ అత్యంత కీలకమైన అంశం ‘బ్యాకప్’. ఏదైనా డివైజ్ కంటే అందులోని డేటాయే ముఖ్యమైనదని టెక్ నిపుణులు చెబుతుంటారు. మన డివైజ్లోని సమాచారం చెక్కుచెదరకుండా , దాన్ని భద్రంగా నిక్షిప్తం చేసే మహత్తర మాధ్యమం ‘బ్యాకప్’! ఏటా మార్చి 31న మనం ‘వరల్డ్ బ్యాకప్ డే’ జరుపుకుంటాం. ప్రపంచవ్యాప్తంగా ఏటా కోట్లాది మంది డేటా లీకవుతోంది. 2023 సంవత్సరంలో ఒక్క అమెరికాలోనే దాదాపు 35.3 కోట్ల మంది డేటా లీక్ రిస్క్ను ఎదుర్కొన్నారు.
We’re now on WhatsApp. Click to Join
అన్ని ఫోన్లకు బ్యాకప్ తప్పనిసరిగా ఉండాలి. ఇది ఛాట్లు, ఫోటోలు, ఫైల్లు, స్టిక్కర్లను పునరుద్ధరించడానికి ఉపయోగకరమైన సాధనం. ప్రముఖ మెసేజింగ్ యాప్ “వాట్సాప్” మీ ఫైల్లను సేవ్ చేసే బ్యాకప్ ఫెసిలిటీని కూడా కలిగి ఉంది. మీరు అనుకోకుండా మీ వాట్సాప్ చాట్ హిస్టరీని క్లియర్ చేసినా, అప్లికేషన్ను అన్ఇన్స్టాల్ చేసినా లేదా కొత్త ఫోన్ని కొన్నా, మీరు మీ డేటాను మళ్లీ రికవర్ చేయొచ్చు. కొన్నిసార్లు పేలవమైన ఇంటర్నెట్ కనెక్షన్ లేదా మాన్యువల్ సెట్టింగ్లు మీ బ్యాకప్ను ప్రభావితం చేయొచ్చు. మీరు తిరిగి ఆన్లైన్లో ఉన్నప్పుడు WhatsApp ప్రక్రియను ప్రారంభించినప్పటికీ, మీ డేటా తాజాగా మరియు సురక్షితంగా ఉందని నిర్ధారించుకోవడం కీలకం. మీరు Google డ్రైవ్ లేదా Android టాబ్లెట్ మరియు ఫోన్ స్టోరేజీలో మీ బ్యాకప్ని చెక్ చేయొచ్చు. చివరి బ్యాకప్ ఎప్పుడు జరిగిందో కూడా మీరు చూడొచ్చు.
వాట్సాప్లో మనం ఎప్పటికప్పుడు ఫొటోలు, వీడియోలతో పాటు ముఖ్యమైన సమాచారాన్ని ఇతరులతో పంచుకుంటూ ఉంటాం. రోజుల తరబడి వాడినప్పుడు ఇందులోని సమాచారం పెద్ద మొత్తంలో పోగుబడి ఉంటుంది. ఒకవేళ కొత్త మొబైల్ కొన్నప్పుడు ఈ డేటా అవసరం పడుతుంది. ఇలాంటి సందర్భాల్లో పాత మొబైల్లోని డేటా మొత్తాన్ని ట్రాన్స్ఫర్ చేసేందుకు బ్యాకప్ ఆప్షన్ను వినియోగిస్తుంటాం. మళ్లీ కొత్త ఫోన్లో రీస్టోర్ చేస్తుంటాం. ఇలా బ్యాకప్ చేయకుండా కూడా వాట్సప్లోని చాట్ హిస్టరీని కొత్త స్మార్ట్ఫోన్కు ట్రాన్స్ఫర్ చేయొచ్చు. ఇందుకోసం వాట్సప్ చాట్ ట్రాన్స్ఫర్ ఆప్షన్ను వినియోగించుకోవచ్చు. క్లౌడ్ ఆధారంగా పనిచేసే బ్యాకప్ కంటే ఈ ప్రక్రియ చాలా వేగంగానూ, సులభంగానూ ఉంటుంది. ఇందుకోసం రెండు (పాత, కొత్త) ఫోన్లూ మీ వద్దే ఉండాలి. అవి రెండు ఒకే వైఫైకి కనెక్ట్ అయ్యి ఉండడంతో పాటు, లొకేషన్ సర్వీసు కూడా ఆన్లో ఉంచాలి.