Arctic Ocean Ice : భూమి ఉత్తర ధ్రువం వద్ద ఆర్కిటిక్‌ మహాసముద్రం ఉంది. 2050 సంవత్సరంకల్లా ఆర్కిటిక్‌ మహాసముద్రంలో ప్రతి ఏడాది నెల రోజుల పాటు తేలియాడే సముద్రపు మంచు కనిపించకపోవచ్చని సైంటిస్టులు తెలిపారు. సముద్ర నీటి మట్టాలు పెరిగి తీర ప్రాంతాల్లో నివసించే ప్రజల జీవితాలకు రిస్క్ పెరుగుతుందని వార్నింగ్ ఇచ్చారు. అంటార్కిటిక్‌, ఆర్కిటిక్‌ మహాసముద్రాల్లో ప్రస్తుతం ఎటు చూసినా మంచే కనిపిస్తోంది. ఈనేపథ్యంలో ఆర్కిటిక్‌ మహాసముద్రంలో తేలియాడే సముద్రపు మంచు ఎంత మేర తగ్గుతుందో తెలుసుకునేందుకు అమెరికాలోని కొలరాడో యూనివర్సిటీ సైంటిస్టులు నడుం బిగించారు. గతంలో దశాబ్దాల తరబడి చేసిన అధ్యయనాల నివేదికలను ఒకచోట చేర్చి విశ్లేషించారు. టెంపరేచర్స్ ప్రస్తుత స్థాయిలోనే పెరుగుతూపోతే ఈ శతాబ్దం మధ్యకల్లా (2050 సంవత్సరం) ఆర్కిటిక్‌ సముద్రంలో ప్రతి ఏడాది నెల రోజుల పాటు తేలియాడే సముద్రపు మంచు మాయమయ్యే రిస్క్ ఉందనే అంచనాకు శాస్త్రవేత్తలు వచ్చారు. మానవ చర్యలు, భూతాపమే ఇందుకు కారణాలు అవుతాయని వెల్లడించారు.
We’re now on WhatsApp. Click to Join
- ఆర్కిటిక్‌ సముద్రంలో(Arctic Ocean Ice) మంచు లేకపోతే మంచు ఎలుగుబంట్ల లాంటి జంతువుల మనుగడకు ఇబ్బందులు తప్పవని శాస్త్రవేత్తలు తెలిపారు. వేటాడడం, సంతానోత్పత్తికి అవి సముద్రపు మంచుపైనే ఆధారపడతాయని గుర్తు చేస్తున్నారు. గ్రీన్‌ లాండ్‌ పరిసరాల్లో నివసించే మంచు ఎలుగుబంట్లకు ఎలాంటి రిస్క్ లేదని చెప్పారు.
- ఉష్ణోగ్రతలు నాలుగు డిగ్రీల కన్నా మించితే ఈ శతాబ్దపు చివరి కల్లా ప్రతి సంవత్సరం జులై నుంచి నవంబరు వరకు ఆర్కిటిక్‌ మహా సముద్రంలో మంచు మాయమయ్యే పరిస్థితులు వస్తాయని శాస్త్రవేత్తలు వివరించారు.
- 1979 నాటితో పోలిస్తే గతేడాది సెప్టెంబరులో ఆర్కిటిక్‌లో 2.6 మిలియన్ చదరపు కిలోమీటర్ల మేర సముద్రపు మంచు విస్తీర్ణం తగ్గిందని నేషనల్‌ స్నో అండ్‌ ఐస్‌ డేటా సెంటర్‌ నివేదిక చెబుతోంది.