Extra Ordinary Man Trailer : హీరో నితిన్, శ్రీలీల జంటగా నటించిన మూవీ ఎక్స్‌ట్రా ఆర్డినరీ మ్యాన్. ఈ సినిమాకు వక్కంతం వంశీ డైరెక్టర్. తాజాగా ఈ సినిమా ట్రైలర్ ను మూవీ మేకర్స్ విడుదల చేశారు. వక్కంతం వంశీ అనగానే మనకు గుర్తొచ్చే మూవీ నా పేరు సూర్య, నా ఇల్లు ఇండియా. ఆ సినిమా బాక్సాఫీసు వద్ద బోల్తా కొట్టినా వంశీ ఏమాత్రం నిరాశ చెందకుండా మరోసారి ఇండస్ట్రీలో తన అదృష్టాన్ని పరీక్షించుకునేందుకు వస్తున్నాడు. ఈ సినిమా డిసెంబర్ 8న ప్రపంచవ్యాప్తంగా విడుదల కాబోతోంది.
హరీష్ జయరాజ్ మ్యూజిక్ డైరెక్టర్. ఫుల్ టు ఎంటర్ టైనర్ గా తెరకెక్కిన ఈ మూవీ టీజర్ ఇటీవలే విడుదలై సంచలనాలను సృష్టించింది. తాజాగా విడుదలైన ట్రైలర్ కూడా ప్రేక్షకులను ఆకట్టుకుంటోంది. ముఖ్యంగా ఈ సినిమాలో నితిన్ డైలాగ్స్ మాత్రం అదిరిపోయాయి. జూనియర్ ఆర్టిస్ట్ గా ఈ సినిమాలో నితిన్ కనిపించబోతున్నాడు. ఈ సినిమాలో హీరో రాజశేఖర్ ముఖ్య పాత్ర పోషిస్తున్నారు. ఇంకెందుకు ఆలస్యం.. ఆ మూవీ ట్రైలర్ పై ఓ లుక్కేసుకోండి మరి.
